Saturday, November 17, 2012

SEMINAR ON CAMPUS JOURNALISM, NAANGAY ITI SISIM NHS

Cabugao, Ilocos Sur – Naangay ti 1-day 2012 School Training Workshop of “The Informer” Campus Journalism iti Sisim National High School, Brgy. Sisim, Cabugao, Ilocos Sur idi Nobiembre 16, 2012 a nagpartisiparan dagiti estudiante nga adda ti sagudayna  nga agsurat ken Staff Member iti “The Informer”, School Paper ti pagadalan.

Iti bigat, nasapa a nagtitipon dagiti nagseminar iti pasdek ti pagadalan a nakaangayan ti Opening Program. Imbinsabinsa ni Mrs. Rosemelinda D. Baclig, Officer-in-Charge   ti akem ti mannurat, ti pagiwarnak ti pagadalan, ken ti inatendaranda a Secondary Press Conference idiay San Vicente, Ilocos Sur iti nabiit.

Iti Photo Journalism, naglektiur da Mr.  Althone Alexis Borja, IT Consultant ti LGU-Cabugao ken ni Mr. Roger B. Dacanay, School Paper Adviser.

Newswriting, Sports Writing, Copy Reading and Head Writing ti naipaakem nga inyadal  da Mr. Dario Roy Siruno, Municipal Tourism/Information Officer ken Mrs. Daisy Jane Somera-Tisbe,  School Paper Adviser. Naregget dagiti estudiante a dimngeg ken nakipartisipar kadagiti naipaaramid kadakuada kadagiti lecturers.

Iti malem, binagi da Mrs. Rosemelinda D. Baclig, Mr. Roger B. Dacanay ken Mrs. Daisy Jane Somera-Tisbe nga inyadal ti maipapan iti Feature Writng, Editorial Writing, ken Editorial Cartooning.

Kalpasanna, naaramid ti Critiquing  of  Outputs ken naisaganad ti Closing and Announcement of  Best Writers kadayta nga aktibidad ti panagadal ti panagsurat. # (Web Situational Report)

No comments:

Post a Comment