Saturday, November 10, 2012

MAYOR EDIBOY, NAGATENDAR ITI NATIONAL NUTRITION AWARDING CEREMONY

Cabugao, Ilocos Sur – Babaen ti pakaammo  ti  National Nutrition Council Secretariat, DOH, Manila,   nagatendar ti grupo ni Mrs. Macrina Irorita Saturno, maysa kadagiti 8 a Finalists ti Search for National Outstanding Barangay Nutrition Scholar for CY 2011 ket inawatna ti pammadayaw a Certificate of Merit for Regional Outstanding Barangay Nutrition Scholar a nangibagi ti Region 01.

Naangay ti National Nutrition Awarding Ceremonies idi Nobiembre 9, 2012 iti Philippine International Convention Center (PICC), CCP Complex, Pasay City  a nagpaayan a Keynote Speaker ni President Benigno S. Aquino III babaen ti panangyam-ammo ni Health Secretary Enrique T. Ona, Chairman, National Nutrition Council, Governing Board iti naaramid a programa.

Nakikaysa ken indauluan  ni Mayor Edgardo “Ediboy” S. Cobangbang, Jr.,   Chairman ti Municipal Nutrition Council Committee ti Delegasion ti Cabugao a pakairamanan da Mrs. Jerlie S. Cobangbang, SB Member Jemaima S. Tan-Yee, SB Member Vicky S. Serna, HRM Officer Mimi Sison,      Municipal Nutrition Action Officer-Designate Joenah G. Sevilleja ken Municipal Tourism/Information Officer Dario Roy Siruno  kadagiti  nangbayabay ken ni Mrs. Macrina I. Saturno a nagatendar iti nasao seremonia. Kadua ni Mayor Ediboy ni MNAO Joenah G. Sevilleja a nangkuyog ken ni Mrs. Saturno a   nangawat ti naipaay kenkuana a pammadayaw iti entablado ti Reception Hall ti PICC.

Nakitaripnong met ni Congressman Ryan Luis V. Singson, First Legislative District, Ilocos Sur iti  nasao nga awarding ceremony.

Kanaig daytoy, napadayawan met ti Vigan City nga idauluan ni Mayor Eva Marie S. Medina a kas Consistent Regional Outstanding Winner in Nutrition (CROWN), Region 1 Area. #  (Adapted)

No comments:

Post a Comment