Friday, November 23, 2012

COASTAL CLEAN-UP, NAGGIGIDDAN A NAARAMID ITI NOBIEMBRE 23


Cabugao, Ilocos Sur – Kas pangsuporta ti selebrasion ti National Climate Change Consciousness Week, naipaganetget  babaen ti Opisina ni Mayor Edgardo S. Cobangbang, Jr.  kadagiti bumarangay  kadagiti  maseknan a Coastal Barangay ti  Pug-os, Salapasap, Namruangan, Daclapan, Sabang, Salomague ken Dardarat ti naggigiddan a panagdalusda  iti igid ti baybay (Coastal Clean-up) ita a  Nobiembre 23, 2012.

Itoy a petsa, nasapa a napan  nagmonitor ni MENRO Edgar S. Balangatan kadagiti nadakamat a Coastal Barangay.

Iti Barangay Pug-os, mismo a dagiti kameng ti 4 P’s ti nagboluntario a nagpidut ti rugit iti igid ti baybay ket kinadua  ida da DSWD Municipal Link Gary Visera, Miss Aida Cueto ken Miss Wilma Cruz  iti LGU-MSWDO.

          Ti agtultuloy a pannakadalus ken pannakamantener ti igid  ti baybay agraman ti kadilianna ket paset ti programa ti Munisipio iti Clean and Green Program nga iwardas  ni MENRO Edgar S. Balangatan. Iti pannaki-amad ti Web In-Action, imbatad  ni MENRO Balangatan a naballigi a patinayon ti mayusuat a coastal clean-up gapu ta tumartarabay dagiti Opisiales ti Barangay ken Tanod/BPATS ken  mamati dagiti maseknan a lumugar a  maipaay met laeng a pagimbaganda  daytoy  ken iti sapasap  ti nasao nga aktibidad a maigannuat.

Iti Barangay Pug-os, kada aldaw ti Sabado ti  panagdalus dagiti lumugar babaen ti bileg ti Ordinansa: “Batogna-Dalusanna!”   nga asistiran dagiti Purok/Barangay  Officials   ken 1st to 3rd Sunday met ti bagi  dagiti Barangay Tanod/BPATS iti Coastal Clean-up a monitoren amin   ni Kapitan Arnold “Bambi” V. Yangat.  # (Web In-ction)

 
 

No comments:

Post a Comment