Thursday, November 15, 2012

FFS ITI BRGY. PUG-OS, PAGBASARAN DAGITI GARLIC PRODUCERS

Cabugao, Ilocos Sur – Naaramid ti weekly session ti Farmers  Field School-Garlic iti Nobiembre 15, 2012 (kada Huebes)  iti Barangay Pug-os, Cabugao, Ilocos Sur a dinar-ayan dagiti Farmer-Cooperators iti nadumaduma a barangay  ti ili a Cabugao. Naistudiar a naimbag dagiti naadal iti AESA (Agro-Eco System Analysis) tapno maipasagepsep a nasayaat ti maadal kadagiti mannalon.



Iti pannaki-amad ti Web In Action kadagiti  agmulmula ti bawang, dadakkel ken napintek  ti kaaduan a  map-apit a bawang ti Cabugao ket tapno mamantener ti kalidad ti produksion ket  maitandudo ti pannakaipakat daytoy a mainayon a  teknolohia  tapno napresio ken  daywenda a gatangen  kadagiti agmulmula.



Imbatad ni Mrs. Remedios Inovejas, pannakabagi ti OPAG-Ilocos Sur a masangailidanto dagiti Technologists  nga aggapu iti Philrice ken UP-Los Banos iti umay a lawas (Nobiembre 22,  2012) tapno kitaenda ti pagdurdur-asan daytoy a proyektoda ditoy ili a Cabugao, Ilocos Sur. # (Web In-Action)


No comments:

Post a Comment