Tuesday, November 20, 2012

NATIONAL SEAWEED CONVENTION, INATENDARAN TI AMA TI BRGY. DARDARAT

Cabugao, Ilocos Sur – Inatendaran ni Brgy. Captain Danny Garcia ti dua nga aldaw a kombension dagiti agpatpatanor ti Seaweeds idiay Marco Polo Plaza, Cebu Veterans Drive, Nivel Hills, Apas, Cebu City idi Nobiembre 15-16, 2012 nga addaan ti Tema. “Philippine Seaweed and Carrageenan Industry Partnership in Global Leadership”.

Kangrunaan a nagatendar ket  dagiti Seaweeds Farmer, Marine Biologists, Processors, ken pannakabagi ti Philippine Crop Insurance Corporation (PICC). Nagwerret  ti adal iti maipapan iti Seaweed Technology Update, Seaweed Farming ken  Future Prospects  ti ruot ti baybay a napateg a padur-asen a makatulong kadagiti agindeg iti coastal communities.
Naaramid ti Aktual ken Paper Presentations kadagiti nagseminar babaen kadagiti eksperto iti Farming, Processing ken Marketing ti Seaweed.

Kangrunaan nga Ahensia a nangtarabay ti 2-day Convention ket ti Department of Agriculture (DA),  DOST-PCAARRD  ken BFAR Central Office nga idauluan ni Atty. Asis G. Perez.

Iti pannaki-amad ti Web In-Action idi Nobiembre 19, 2012, impeksa ni Kapitan Danny Garcia ti pinagyamanna iti LGU-Cabugao iti liderato ni Mayor Edgardo “Ediboy” S. Cobangbang, Jr.  iti agtultuloy a suportada iti gannuat a mangpasayaat ti pagbiagan/kabibiag dagiti agindeg iti coastal barangays ken ti pannakadutokna a nagatendar kadaytoy a  napateg a training ti panagpatanor ti seaweeds.

Innayon ti Ama ti Brgy. Dardarat a babaen iti nasakdona nga adal ket maikurrina iti kabarangayanna ken mayallatiwdanto pay a tuladen dagiti kabangibangna a barangay iti igid ti baybay. # (Web In-Action)

No comments:

Post a Comment