Cabugao, Ilocos Sur –
Naangay ti umuna iti tallo nga aldaw (Nobiembre 16-18, 2012) a Cabugao District
2012 Boy Scouts of the Philipines (BSP)
Camporal babaen iti Tema: “Be prepared: Leadership for Life” iti Cabugao
South Central School Ground a nagpartisiparan ti amin a Boy Scouts ti eskuela-elementaria ti Cabugao, Troop Leaders ken Institutional
Representatives (IR’s).
Iti umuna nga aldaw,
Nobiembre 16, 2012, nagsangpet ti delegasion ti tunggal pagadalan ket impatakderda
dagiti kampoda. Naaramid ti Opening Program iti 2:00 P.M. ti malem. Opening Prayer ti inakem ni Troop Leader Evangeline Punla, Re-dedication
to the Scout Oath/Law ni TL Nestor de los Santos, BSP Vision and Mission ni TL
Ferdinand Asistin.
Welcome Address ni
Brgy. Captain Valentin S. Tuyor, Jr.,
Camp Director. Kimmablaaw ken nagyaman
ta ditoy barangay Bonifacio ti disso ti
pakaangayan dagiti dadakkel nga aktibidad ti DepEd District. Kinablaawanna met
ti pannakairepresentar ti sibubukel nga umili babaen kadagiti aggapu ti eskuela
iti barbarangay a pakairamanan metten dagiti Opisialesda ken ti LGU nga idauluan ni Mayor Edgardo “Ediboy” S.
Cobangbang, Jr., Honorary Chairman, Municipal Scouting Committee Officials.
Naisaganad ti
Presentation of the Participants/Yell Presentation by Troop ni Institutional Representative Demy Peneyra.
Nangted ti Inspirational Talk ni Municipal Scouting Committee Chairman, Atty.
Rex Augustus S. Morales. Kimmablaaw ken binigbigna ti kinaaktibo/kinalatak ti sektor ti BSP ditoy Cabugao. Trinatarna ti
kaipapanan ti tema. Inyawisna ti panagdal dagiti Grade 5 itatta a tawen nga ageksamendanto para iti masungad a
panaglukat idiay Philippine Science High
School, San Ildefonso, Ilocos Sur, premier school a mangpalaing pay ti
ub-ubbing tapno matubayda nga agbalin a nalaing met a lider.
Nagsarita met ni OIC Scout Executive Gil Savellano, Ed.
D. panggep ti Scouting ken Provincial Jamborette.
Kalpasan a nagsarita ni BSP District Commissioner/Camp
Chief Helen V. Siruno, Public Schools
District Supervisor, impakaammona ti
Formal Declaration of the Opening of the BSP District Camporal. Nagpaay nga
Emcee ni TL Rommel Santella.
Nagatendar met ni Mr.
Engelberto S. Garma, Finance Committee Official ken ni BSP Coordinator/Secretary,
Mr. Francis A. de la Cruz.
Naserraan ti umuna nga
aldaw babaen ti naaramid a Torch Parade dagiti Scout Delegations iti aglikmut
ti Poblasion. # (Web Situational Report)
No comments:
Post a Comment