Friday, November 9, 2012

DISTRICT MATH FESTIVAL 2012, NAANGAY

Cabugao, Ilocos Sur – Naangay ti 2012 District Math Festival a nagsasalipan dagiti ubbing iti nadumaduma a pagadalan iti Cabugao DepEd  District nga idauluan ni Public Schools District Supervisor Helen V. Siruno iti Nobiembre 9, 2012 iti Cabugao South Central School, Brgy. Bonifacio, Cabugao, Ilocos Sur.

Iti naangay a programa, inakem ni Mrs. Melvi S. Sajonia, Principal II ti Cabugao South Central School iti pammasangbay a balikas. Kimmablaaw ken binigbigna ti kabaelan dagiti ubbing a maki-eksamen ken dagiti nagannak  ken mangisursuro a naanus a  nangtarabay kadakuada.

Kalpasan ti nagsasaruno nga intermission number dagiti agad-adal iti CSCS, impaay ni District Supervisor Helen V.  Siruno ti mensahena ket trinatarna ti Tema: “Challenging the Youth to be Globally Responsive Through Mathematics”.  Innayonna pay a kas koma  iti napalabas a panagkampeon ti Cabugao iti Unit 1 Athletic Meet ket  kasapulan koma met a kampeon  pay  ti Distrito ti Cabugao  iti maangay a Division Math Festival iti masanguanan nga aldaw.

 Impaay met ni Mrs. Nora R. Quibilan, District Mathematics Coordinator ti Orientation. Kalpasan ti programa, naangay ti contest proper a tinarabay dagiti Math Quiz Examiners. Nagpaay nga Emcee da Ms. Madelene S. Sonido ken Mr. Donato R. Sambrana. # (Web In-Action)

No comments:

Post a Comment