Saturday, November 24, 2012

OPV YELLOW CORN, NAITED KADAGITI CORN FARMERS


Cabugao, Ilocos Sur – Naaramid ti pannakaiwaras ti bukel ti Yellow Corn (Open Pollinated Variety) kadagiti recipients-farmers iti Brgys. Turod Patac, Arnap, Rizal, Bonifacio ken Namruangan iti dagup ti 15 bags a bukel a pakaimulaan ti 15 ektarias a mamulaan ti mais.

Dagiti panggep ti DA-LGU kadaytoy a proyekto ket tapno maipaneknek a produktibo ken mayadaptar ti amarilio ti klasena a mais a maimula  iti ili a Cabugao. Kasta pay a malapdan ti panaggatang dagiti mannalon iti nangina  a bukel ti Yellow  Hybrid ta mabalinda nga idoble ti bukel nga imula agingga iti maikapat a panagmumula.

Naited dagiti bags ti OPV Yellow Corn kadagiti maseknan a mannalon iti Municipal Conference Hall idi Nobiembre 23, 2012. Tinarabay dagiti pannakabagi ti DA-LGU nga idauluan ni OIC Nereo S. Daproza dagiti Farmers-Recipients nga immawat.

Impeksa met dagiti nakaawat a mannalon  nga indauluan ni Brgy. Captain Teodoro Tabula ti Brgy. Arnap  iti nalaus a panagyamanda iti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti agtultuloy a pannakikammayetda kadagiti makatulong  kadagiti mannalon nangruna  dagiti agmulmula ti mais a pakanayonan  pay ti matgedanda. # (Web In-Action)

No comments:

Post a Comment