Cabugao, Ilocos Sur –
Kabayatan a mailepleppas ti 150 oras a keddeng ti panag-trainingda, nabukel ti
organisasion dagiti Trainees ti Alternative Learning System-Literacy Services
Contracting System (ALS-LSCS) ken umun-uneg ti kaammuanda iti Cosmetology and
Hairdressing a kursoda.
Iti pannaki-amad ti
Web In-Action idi Nobiembre 19, 2012, addadan iti Haircutting ket naregget ni
Ms. Clara Sinampaga, Trainor nga agisuro kadagiti inna/babbai nga adalanna iti naestilo
a klase ti pukis a managan Octopus, Deep-Cutting, ken Vidal Sassoon a yallatiwna kadagiti Trainees.
Naregget ti rikna
dagiti nagsanay a kalpasan a maileppasda ti kursoda ket mayusarda ken
mapadakkelda babaen met laeng ti panagtitinnulongda ken pammadang dagiti mangtartarabay: LGU-Cabugao nga idauluan ni Mayor Edgardo
“Ediboy” S. Cobangbang, Jr. ken ti Cabugao DepEd District babaen kada District
Supervisor Helen V. Siruno ken Mr. Nestor de los Santos, Coordinator ti
ALS-LSCS.
Ti organisasion a
binukelda ket napili ni Ms. Susan Cabasug a Presidente-da nga Opisiales ken Adviser ni Ms. Clara Sinampaga. # (Web
In-Action)
No comments:
Post a Comment