Sunday, November 25, 2012

CLEAN AND GREEN, AGTULTULOY KADAGITI BARANGAY

Cabugao, Ilocos Sur – Naaramid ti panagdalus dagiti lumugar ken Opisiales ti Barangay ti Barangay Bungro, Cabugao, Ilocos Sur nga idauluan ni Brgy. Captain Fermin Sarinas iti agsumbangir a paset ti Kalsada Probinsial a nangbeltak iti nasao a barangay nga agturong iti Barangay Salapasap iti igid ti baybay idi Nobiembre 24, 2012.

Mismo a ni Kapitan Sarinas ti nangidaulo kadagiti  kabarangayanna  a  nagdalus iti agsumbangir ti  kalsada kas ar-aramidenda iti barangayda iti kada maudi a Domingo ti bulan.



Sakbayna, naidagadag babaen ken ni MENRO Edgar S. Balangatan a maitultuloy koma ti panagdalus ti aglawlaw nangruna kadagiti “busy streets”  kas iti kalsada a lumasat iti Barangay Bungro ken dadduma pay a pampubliko a disso  tapno napintas a buyaen dagiti bakasionista, balikbayans ken turista nga umay ditoy ili ti Cabugao nangruna ta umadanin ti bulan ti Disiembre a panawen ti Paskua. 

Ti Clean and Green Program ket maysa a nasamay a programa nga ilunglungalong ti Gobierno Munisipal nga idauluan ni Mayor Edgardo “Ediboy” S. Cobangbang, Jr. ken  ipatungpal pay  ti sapasap nga umili  ti Munisipalidad.  # (Web In-Action)


No comments:

Post a Comment