Monday, November 19, 2012

MULTIPURPOSE HALL TI BRGY. MARADODON, NAIPASDEK

Cabugao, Ilocos Sur – Naipasdeken ti nabayagen a kalkalikaguman ti bumarangay nga idauluan ni Brgy. Captain Geogie Ramos Benavidez a pannakabangon ti Multipurpose Building iti katengngaan ti Barangay Proper a mausarda no agmimitingda, ken adda okasion ken aktibidad iti barangayda.

Naipasdek ti Multipurpose Building babaen ti panangilungalong ti Gobierno Munisipal nga idauluan ni Mayor Edgardo “Ediboy” S. Cobangbang, Jr. babaen iti paset ti apag ti Munisipio iti RA 7171 (Tobacco Excise Tax), segun ken ni Municipal Engineer Crescencio C. Formoso.  Ti Barangay Maradodon ket maysa kadagiti dumurdur-as a barangay ti Cabugao  ken  kangrunaan a produktona ti pagay ken tabako.



Iti pannaki-amad ti Web In-Action kadagiti lumugar idi Nobiembre 18, 2012, impeksada ti panagyamanda iti Gobierno Munisipal nga idauluan ni Mayor Ediboy iti agtultuloy a pannakapaprogreso ti barangayda  babaen  ti pannakabangon  kadagiti kasapulanda a pasilidad ken impraestruktura a kasapulanda pay.

Manamnama ti kaaddan  ti kabukbukodan ti barangay a napintas a pagsalinongan/pagplastaran  dagiti Opisiales, bumarangay ken sangailida  kadagiti maangay nga okasion ken aktibidades iti barangay. # (Web In-Action)

No comments:

Post a Comment