Cabugao, Ilocos Sur – Intuyang dagiti Municipal Scouting Committee Officials a buklen ti mangisursuro ti Deped Cabugao District, Local Officials, ken nagannak babaen ti panangidaulo da Honorary Chairman, Mayor Edgardo “Ediboy” S. Cobangbang, Jr. ken Chairman, Atty. Rex Augustus S. Morales iti pannakaangay ti tallo nga aldaw a camping dagiti Boy Scouts, Scoutmasters ken dadduma pay nga opisial ti BSP Municipal ken Provincial Chapters manipud Nobiembre 11 agingga iti 13, 2011 iti School Ground ti Cabugao South Central School babaen iti Tema: “Scouting Builds Community”.
Pormal a naluktan ti Cabugao District Camporal idi Nobiembre 11, 2011 babaen iti ababa a programa a dinar-ayan dagiti Scouts, Scouters, Officials ken Guests. Naaramid ti Rededication to the Scout Oath/Law, naibasa ti BSP Vision and Mission ken naipresentar dagiti nagpartisipar iti tallo nga aldaw a Camporal.
 |
| Ti taripnong dagiti Boy Scout of the Philippines |
Timmaripnong da Mayor Edgardo “Ediboy” S. Cobangbang, Jr., BSP Municipal Honorary Chairman ken Atty. Rex Augustus S. Morales BSP Chairman kas panagsaganadda iti Cabugao Scouting Commitee ken dadduma pay nga opisiales ti Boy Scouts agraman dagiti Barangay Officials/Police nga idauluan ni Camp Director, Bonifacio Brgy. Captain Valentin S. Tuyor, Jr. Nagpaay nga Emcee’s da Troop Leaders Imelda Lopez ken Vilma Manantan.
Iti Nobiembre 12, 2011, naisangrat a KAWAN Field Day ket binagi dagiti ub-ubbing nga scouts (Cub Scout) ti nangipakita ti regta ken kabaelanda a nagpabuya kalpasan ti pannakaaramid ti maysa a programa iti School back stage ti CSCS.
Iti panagmensahe ni Mayor Ediboy, inulitna manen ti kimmablaaw, nagyaman nangruna kadagiti nagaget ken naanus a mangisursuro ken nagannak a naanus a makigamgamulo ken mangitantandudo kadagiti kakastoy nga aktibidad a mangmuli ti kabaelan ken mangitunda kadagiti ubbing nga agbalin a lider ken makipagbangon iti komunidad ken pagilian.
Nagpaay nga Emcee’s da Troop Leaders Imelda Lopez ken Vilma Manantan.
 |
| Ti mensahe ni Mayor Edgardo “Ediboy” S. Cobangbang, Jr., BSP Municipal Honorary Chairman |
Pannakatubay dagiti ubbing nga agbalin a nasayaat a makipagili ti kangrunaan nga anag ken pagturongan ti panagsarita da Vice Mayor Danny Q. Gazmen, Brgy. Capt. Valentin S. Tuyor, Jr., Mrs. Helen V. Siruno, Principal 3, OIC District Supervisor ken Camp Chief ken Dr. Gil Savellano, Principal ken BSP Executive, Ilocos Sur Council. Immatendar met ni Mrs. Melvi Siababa-Sajonia, Principal ti Turod Elementary School, Turod, Cabugao, Ilocos Sur.
Kada-Zona (4 Zones) ti nakabingayan dagiti nagpartisipar a Kab Scout (Kawan). Kalpasan ti programa, naaramid ti salip iti Candle Relay, Chinese Relay, Knot Tying, Ball and Bottle Relay. Naited ti gunggona dagiti napagasatan nga ubbing ken sona. Nagpaay nga Emcee’s da: Kawan Leaders: Regie Serna, Angelita Pacis ken Odette Somera.
Iti Nobiembre 13, naituloy ti pannakaaramid dagiti naiplano nga aktibidades. Naaramid ti community service babaen kadagiti scouts a tinarabay dagiti scouters. Naaramid ti closing program and awarding ceremonies iti salinong ti narangpaya nga akasia a dinar-ayan ni Vice Mayor Danny Q. Gazmen ken binayabay dagiti Institutional Representatives a buklen ti kaaduan a mangisursuro manipud kadagiti nadumaduma a pageskuelaan ti barangays ti ili a Cabugao. Sinerraan ni BSP District Commissioner Helen V. Siruno ti aktibidad. Nagyaman ti opisial iti amin a nagpartisipar kangrunaan ti suporta ti Gobierno Munisipal ti Cabugao nga idauluan ni Mayor Edgardo “Ediboy” S. Cobangbang, Jr. iti panagballigi ti Cabugao District Camporal 2011.# (Rinetrato ken insurat ni JOED SABIO SAJONIA)
BOY SCOUTS
Contested Activities | 1st | 2nd | 3rd |
Most Environment-Friendly Camp | Pug-os ES | Sagayaden E/S | Cael-layan E/S |
Best Yell/Cheer Presentation | CNCS | Reppa-ac | CSCS |
Best Camp Frontage/Set-up | Reppa-ac E/S | Pug-os E/S | Daclapan E/S |
Tripod Lashing and Knot Tying | |||
Cael-layan E/S | Reppa-ac E/S | Namruangan E/S | |
Horseback Relay | Namruangan E/S | Reppa-ac E/S | Sagayaden E/S |
Suspended Flagpole | Reppa-ac E/S | CSCS | CNCS |
Tug with Warring Yells (Zone) | Zone 1 | Zone 2 | Zone 4 & 3 |
Kadang-kadang | Reppa-ac E/S | Salapasap E/S | Pug-os E/S |
Life Line | Sabang ES | Cael-layan E/S | Reppa-ac E/S |
Sack Race | Reppa-ac E/S | Sagayaden E/S | Nagsincaoan E/S |
Singing Contest (Individual) | CSCS | CSCS | Sagayaden E/S |
MUNICIPAL SCOUTING COMMITTEE OFFICIALS
Honorary Chairman | Mayor Edgardo S. Cobangbang, Jr. |
Chairman | Atty. Rex Augustus S. Morales |
Vice-Chairman | Engr. Rizalino Sumibcay |
Finance | Mr. Engelberto Garma |
External Operations | Mr. Remigio Sunico |
Internal Operations | Mr. Rogelio Barlolong |
Secretary | Mr. Francis A. de la Cruz |
Treasurer | Mrs. Melvi S. Sajonia |
Auditor | Mr. Mario Baclig |
Asst. Treasurers | Mr. Fidel Sinampaga-Zone 1 |
Mr. Rodel Suniega-Zone 2 | |
Mr. Edwin Duque-Zone 3 | |
Mr. Demy Peneyra-Zone 4 | |
Business Managers | Mr. Genaro Solmerin –Zone 1 |
Mr. Edwin Savellano-Zone 2 | |
Mr. Donato Sajor-Zone 3 | |
Mr. Edison Solatre-Zone 4 | |
Camp Chief | OIC Dist. Supt. Helen V. Siruno |
Camp Director | Brgy. Capt. Valentin S. Tuyor, Jr. |
 |
| Ni Mrs. Helen V. Siruno, Principal 3, OIC District Supervisor |
 |
| BSP Camporal Site |
 |
| Ti mensahe ni Barangay Capt. Valentin S. Tuyor, Jr., |
 |
| Ni Vice Mayor Danilo Q. Gazmen |
 |
| Ni Dr. Gil Savellano, Principal ken BSP Executive, Ilocos Sur Council |
 |
| Ti Performance Level dagiti Kab Scouts iti Field Dayda |
No comments:
Post a Comment