Cabugao, Ilocos Sur – Ti panagmula ti Hybrid ket ilunglungalong ti Gobierno Munisipal ti ili a Cabugao nga idauluan ni Mayor Edgardo “Ediboy” S. Cobangbang, Jr. tapno saan a paudi dagiti umili iti kabaruanan a wagas ken teknolohia ti panagtalon ket maingato ti maapit ken matgedanda.
Maysa kadagiti maigannuat uray iti Dry Crop Season wenno 2nd Crop ket ti pannakamula dagiti pagtatalonan a di matakadan ti suplay a pagpadanum. Naangay ti Technical Briefing dagiti Farmer-Cooperators iti tallo a barangays a pakaisayangkatan ti Cluster Techno-Demo in Hybrid and Inbred in Irrigated Areas iti Dry Season Crop 2011-2012 a naangay iti DA-LGU Office, Municipal Hall nga inatendaran ti 11 a Farmer-Cooperators manipud iti Brgys. Turod Patac, Bonifacio ken Marga-ay a no sadino a ditoy ket mamulaan ti hybrid ken inbred iti aganay nga innem nga ektaria a pagtatalonan a supisiente ti pananumanna uray kakirangen ti tudtudo.
Naglektiur da Provincial Agriculturist ken Rice Program Coordinator Constante Butacion ti DA-Provincial Office, Vigan City ken Mr. Marcelino Alibin, Provincial Hybrid Rice Coordinator ken sinupusopan da MA Zenaida S. Andrada, ken DA-LGU Rice Program Coordinator Nereo S. Daproza. Nagatendar met dagiti personnel ti DA-LGU.
Naaramid ti panagbunubonda idi Nobiembre 7,8, ken 9, 2011 ket saanda a naggigiddan iti klase ti pagay nga SL 8, Rizalina, TH 82 ken NSIC 156. # (Rinetrato ken insurat ni JOED SABIO SAJONIA)
Dagiti recipients daytoy a programa ti DA-Provincial Office ken LGU-Cabugao ket dagiti sumaganad:
| TUROD PATAC | BONIFACIO | MARGA-AY |
| Ronald Baclig | Romelindo Sunio | Wilson Discion |
| Francisco Sonico | Maryflor Siruno | Gragorio Simbe |
| Angelito Surtido | Gerry Sevilleja | Madrigal Salarzon |
| | | Antonio Saplor |
| | | Armando Sonido |
No comments:
Post a Comment