Cabugao, Ilocos Sur (Nobiembre 18-20, 2011) – Naisayangkat ti Girls Scout of the Philippines (GSP), Junior District Camp a nagpartisiparan dagiti babbai a pupils ti eskuela-elementaria a mangbukel ti Zona ti DepEd District: Zone 1,2,3 ken 4 a tinarabay dagiti GSP Troop Leaders ken GSP Officials sadiay Azcueta Farm, Sitio Panay-ogan, Brgy. Daclapan, Cabugao, Ilocos Sur nangrugi idi Nobiembre 18 a nagpatingga iti Nobiembre 20, 2011.
| Zone 1 | Zone 2 | Zone 3 | Zone 4 |
| CNCS | Turod | CSCS | Cuantacla |
| Pug-os | Salomague | Lipit | Arnap |
| Salapasap | Dardarat | Nagsincaoan | Sisim |
| Bungro | Sabang | Pila | Cael-layan |
| Reppa-ac | Daclapan | Sagayagen | Maradodon |
| Nagsantaan | Namruangan | | Catucdaan |
| | | | Aragan |
| | | | Carusipan |
Naaramid ti Opening Ceremony iti uneg ti Azcueta Farm a dinar-ayan dagiti Junior Girl Scouts, Scout Officials , nagannak, ub-ubbing, kakabagian, lumugar ken bisita iti dayta a bigat ti Nobiembre 18, 2011. Immuna iti programa ti Entrance of Campers a napabulonan ti GSP March, sa Panunumpa sa Watawat ken Rededication to the GS Promise & Law.
Presentation of Campers and Camp Staff ni Mrs. Nora Quibilan ken panangpasangbay ti amin a nakipaset iti aktibidad ken ni Mrs.Helen V. Siruno, District Commissioner ti Scouting ken OIC-Supervisor ti Office of Public Schools ti DepEd District.
Imbinsana dagiti annuroten ti pannakipaset iti aktibidad ken panggep ti panag-Camping. Innayon ti Principal a ditoy a matubay ti kinamanagparnuay ti star scout nga agaramisd ti proyekto, agluto iti naimas ken maiparamanna iti padana nga scout, maibinglayna ti sagudayna babaen ti kanta, ay-ayam ken salsala, maipaagsep ti pannakipaset iti Clean and Green Program iti komunidad ken makasursuroda iti adu iti pannakaigamuloda iti aktibidad iti ruar ti eskuela ken pagtaengan kas iti Camping.
Kimmablaaw ken nagyaman ni Mayor Edgardo “Ediboy” S. Cobangbang, Jr. Dinakamatna ti pateg dagitoy nga aramid a mangtubay ken pagpangalan dagiti ub-ubbing a mangpadur-as ti talentoda. Pinadayawanna dagiti nagannak a nakipagsakripisio ken nangtarabay kadagiti ubbing kasta met dagiti nagagaget a mamaestra a mangiwardas ti maaramid. Inragpinna met ti nangbigbig iti panangpasangbay ni Mr. Peter Azcueta, akinkukua ti Azcueta Farm ken retirado a US Navy, kadagiti amin nga scouts ken bimmaddek iti ikub ti nalawa a kamanggaanna.
Kasta met a pinadayawan ni Mayor Ediboy ti GSP District Committee Chairman, SBM Vicky S. Serna.
Nangted ti Orientation kadagiti Junior Scouts ni Melvi S. Sajonia, Principal ti Turod Elementary School ken District Field Adviser. Nagpaay nga Emcee ni Mrs. Merli Samelin Sajonia, mangisursuro iti Sagayaden Elementary School, Sagayaden, Cabugao, Ilocos Sur.
CENTRAL CAMP STAFF
| Camp Director | Evangeline U. Seatriz |
| Camp Coordinator | Melvi Siababa-Sajonia |
| Program Coordinators | Estrellita Siruno, Eugenia Dolores, Nora Quibilan, Lory Anne Sistoza, Evangeline Garcia |
| Camp Guiders | Sheryl Saupan, Cecille Corrales |
| Business Managers | Arlene Saribay, Dina Yala, Teresa Vicente, Dely Valledor |
| Quartermasters | Helen Savella, Marilyn Raciles, Virgie Solatre, Jonelle Rabara |
| Health and Safety | Aveliza Tapangco, Caroline Pascua, Rowena Siena, Rodelita de Leon |
| Security Officers | Cabugao PNP, Daclapan Brgy. Tanod |
| Consultants | Melvi S. Sajonia, Helen V. Siruno |
 |
Naragsak ni Mayor Ediboy a nakipaset iti mapagpapatangan dagiti bisita a kakadua ni Mr. Peter Azcueta, kanigidna, kalpasan ti programa. |
No comments:
Post a Comment