Wednesday, November 23, 2011

RIC, KALIKAGUMANNA TI TULONG KEN PROYEKTO

Cabugao, Ilocos Sur (Nobiembre 22, 2011)  –     Naangay ti emergency  meeting dagiti opisiales ken miembros ti Rural Improvement Club (RIC)  iti ili ti Cabugao a no sadino a ditoy ket nagatendar ti 27 a Presidente ti nasao a People’s Organization a naiwarwaras iti 33 a barangays ti Munisipalidad.

Kalikaguman  met  ti Gobierno Munisipal babaen ti panangidaulo ni Mayor Edgardo “Ediboy” S. Cobangbang, Jr. a mairaman  daytoy a sektor a mabenepisiaran iti  “financial assistance”  manipud  iti Municipal Share iti  RA 7171.

Iti anag ti panagsarita ni Mayor Ediboy,   kayatna met a maikkan ti proyekto ti RIC ngem  kasapulan  nga agdalan iti alokasion iti panangaprobar ti Sangguniang Bayan ket manamnama a katinnulongna ni ABC President, Rizal Brgy. Captain Teddy U. Soller a mangidarirag ken mangidagadag daytoy a pakaseknan sadiay laem ti Hunta Munisipal.

Iti panagsarita ni Mayor Ediboy iti nasao a meeting ti RIC
Imbatad ni Mrs. Joenah G. Sevilleja, Municipal Technologist ken mangtarawidwid ti RIC a  nupay adda met  proyektoda iti kallabes a   tawtawen ket nakarekord  ti nagbanaganna. Nupay kasta, maysa a panangabaruanan ti maaramid a proyektoda  tapno adda paratignay ti panagaktibo ti sektor dagiti inna. Mainayon pay  ditoy dagiti panagsanay ken dadduma pay a proyekto a mangparegget kadakuada  kas iti handicraft making.

Iti panagngalay ti miting, timmulong ni SBM Teddy U.  Soller a nangtaming kadaytoy a  kalikagum dagiti kameng ti RIC. Kalpasan ti sinnukat ti kapanunotan, napagkaykaysaan ken  maisingasing   a mayalokaran koma  iti sag-P20,000 ti tunggal gunglo ti RIC ken inwardas ti pannakabagi ti ABC iti Sangguniang Bayan dagiti epektibo a pamay-an ken wagas nga aramiden  tapno mapadakkel ti nasao a pundo apaman a maaprobaran  daytoy.

Dagiti grupo ti RIC a nagatendar
Ti Pederasion  ti RIC ti ili a Cabugao ket idadauluan ni Kagawad Grenalyn Amoroso ti Barangay Carusipan, Cabugao, Ilocos Sur. # (Insurat ken rinetrato ni JOED SABIO SAJONIA)

 

No comments:

Post a Comment