DUA A PASKEN TI GOBIERNO PROBINSIAL, NAANGAY ITI ILI A CABUGAO

Cabugao, Ilocos Sur (Nobiembre 26, 2011) – Sinelebraran ti Balay Taripato- Cabugao  nga imatonan ni Mr. Ferdinand “Joy” R. Concepcion, Provincial Social Welfare and Development Officer iti DSWD-PSWDO  Ilocos Sur  ti maikadua nga anibersariona idi Nobiembre 24, 2011 a no sadino a ditoy ket naisagutan dagiti nataengan iti maysa a Nasantuan a Misa babaen ti panangannong ti Padi ti Iglesia Romano Katolika iti ili ti Cabugao ken pakairamanan dagiti agob-obra iti Balay-Pagtaraknan,  ken  sangaili. 

Nakitinnarabay  met ni Vice Governor DV Savellano ken ti grupona  iti daytoy a pasken ti Balay Taripato-Cabugao.

 

Iti sabali a bangir,  Nobiembre 25, 2011, naangay  ti 2nd Taray Barang-ay   a nagpartisiparan dagiti estudiante ti ISCC Demofarm, nagannak, agob-obra ti Demofarm,  ken tumataray manipud iti nadumaduma a sektor a nagrehistro kadaytoy nga aktibidad.

Daytoy a naisalumina nga okasion iti Gobierno Probinsial iti dayta nga aldaw  ket pangselebrar pay ti pannakadanon ti  panagkasangay  ni  Bise Gobernador DV  ket nangrugi taray manipud    iti ISCC Demofarm, Brgy.  Labnig, San Juan, Ilocos Sur sada nagturong ken nagrikus iti Poblasion ti Cabugao, Ilocos Sur a lugar ti Bise Gobernador sa nagsublida  iti Barang-ay Compound iti Brgy. Labnig ket umabot  iti 10 kilometros a kaadayo ti tinarayda.

Iti nainget a panagtaray dagiti nakisalip iti nasao a FUN RUN!

Ni Vice Governor DV Savellano kadwana dagiti nakisalip iti nasao a FUN RUN!

Naited dagiti major prizes  iti  nakategoria a tawen ken kinatao (sex)  dagiti tumataray ken consolation prizes kadagiti nakaandur a nangiturpos (survivors)  ken guest runners.

Imbaga  ni Dr. Cesar S. Soller, DVM, MPH, Dean ti ISCC Demofarm Campus  ti  kaipapanan ti Development of Vigorous Body through Sports  Association (DVBSA), a kinatinnulong ti Provincial Government a nangisayangkat kadaytoy a salip. Innayon ti  Beterinario a kaibatogan ti “taray” a mangipakita a dagiti   agipatungpal kadagiti programa ti Gobierno para  iti umili ket magun-odda   iti “sound mind" ken “sound body”.

Nairagpin  a naaramid iti okasion ti treeplanting,  paay-ayam ti volleyball ken chess. 

Ladawan dagiti agay-ayam ti Volleyball Women Category  iti ISCC Demo Farm Campus

Kalpasanna, naikkan  ti premio dagiti nangabak ti paay-ayam, kinnantaan, sala, skit ken dadduma pay.

Naaramid  ti Thanksgiving Lunch. Iti kamalmanna, naaramid ti Search for Barang-ay Muse and Barang-ay Gentleman (Binibining Barang-ay at Ginoong Barang-ay).  # (Web Research)