Friday, November 25, 2011

IBBET NGA ASO, MATILIW DITOY CABUGAO

Adda pagsasao a no naibaud ti animal, masao a taraken wenno dinguen ngem no ibbet wenno warang, ket makuna nga  atap wenno bulos!

Manipud idi nangrugi a   nailunsad ti panagtiliw ti ibbet nga aso babaen ti direktiba ni Mayor Edgardo “Ediboy” S. Cobangbang, Jr., adu metten ti pagmenna-mennaan dagiti adda tarakenna nga ayup kangrunaan iti malas-udan ti Poblasion, segun ken ni Dr. Melvin Castro, Livestock Inspector.

Sakbayna, nasaknap ti pannakairakurak/pammakdaar  daytoy a pagannurotan agsipud ta adda dagiti pagteng/ insidente a napasamak  ti panagkagat ti aso nga addaan ti makapatay a rabies, pannakadesgrasia ti behikulo wenno motor  gapu iti kellaat a panagballasiw ti kalsada wenno haywey nga aso,

Nupay kasta, maipampamaysa latta ti panagbakuna ti animales uray pay ti anti-rabies kadagiti nagita nga animales partikular ti aso, segun ken ni  Dr. Castro. 

Iti sabali a bangir, innayon ti Beterinario ti Munisipio nga adda latta met dagiti di mangipirpirit ti linteg ngem didanto babalawen no mapasamak kadakuada ti saan a nasayaat ti dida panangtungpal daytoy a pammilin a  panangtiped ti agwarangwarang nga animales.# (Web Research)


No comments:

Post a Comment