Cabugao, Ilocos Sur – Naaramid ti panangasikaso dagiti Medical Staff ti Philippine Obstetrician/Gynecologists Society-Ilocos Sur kadagiti masikog nga inna/umili ti Cabugao, Ilocos Sur idi Marso 10, 2015 iti Cabugao Cultural and Sports Complex, Brgy. Rizal, Cabugao, Ilocos Sur ket timmulong dagiti Medical Personnel ti Rural Health Unit (RHU)-Cabugao nga idauluan da Dr. Bernardino P. De Gracia III, Municipal Health Officer ken ni Mrs. Janet Sison, Public Health Nurse.
Naaramid ti Free Consultation kadagiti masikog babaen iti Hemoglobin/Hematocrit Count; Blood Typing, Vaccination ti Tetanus Toxoid ken libre a medisina a para kadagiti masikog.
Iti ababa a programa a naaramid, nagmensahe ni Mayor Edgardo “Ediboy” S. Cobangbang, Jr. ket nagyaman ta naikkan manen dagiti umili ti Cabugao iti kastoy a serbisio babaen kadagitoy a gunglo-sibiko iti medikal a benneg.
Kimmablaaw ken nagyaman ti Ama ti Ili kadagiti Medical Staff ti POGS-Ilocos Sur kasta met iti RHU-Cabugao Personnel and Staff ken iti talek dagiti inna nga agdadagsen a nagatendar ta maibinglayanda latta iti pannakataming kadagiti pakaseknanda babaen iti panangilungalong ti LGU-Cabugao kadagiti maseknan nga ahensia ken institusion a makaited iti mayannatup a serbisio para iti salun-atda.
Nakikaysa met iti nasao a taripnong da Vice Mayor DJ Savellano; SBM Dr. Jemaima S. Tan-Yee; SBM Benedicto M. Savellano ken ni SBM Atty. Bryan Jett S. Pano, Committee Chair on Health. # (Web In-Action)
No comments:
Post a Comment