BRGY. NAGSANTAAN, NAG-KAMPEON TI RIC TI SIGLAT AWARDS!

Cabugao, Ilocos Sur – Nagaget dagiti lumugar  ti  Barangay Nagsantaan nga agmulmula ket saanda a paudi a mangadaptar kadagiti kabaruanan a Teknolohiya ti panagmulaan nga ididiaya ti Gobierno  Lokal ken  iti Ahesia ti Departamento ti Agrikultura (DA). Napingetda nga agtalon babaen iti tulong ti makinaria ken  no kabuslon ti tudo iti panawen ti Wet Season (Hunio-Nobiembre) kada tawen. 

Kabayatanna, saanda met a paudi no maipapan iti impraestruktura nga ipapaay ti Gobierno Munisipal ken iti Gobierno Probinsial.

Imbatad ni Brgy. Captain Mario Peralta ti iti dandanin panagkakamang dagiti kangrunaan a barangay roads iti barangayda.

Innayonna a babaen ti panagkaykaysada a lumugar, planoda a kiddawen iti pannakasemento ti dalan a kumamang kadagiti purok ti balbalay tapno naan-anay nga agnam-ayda iti panagdaliasatda. 

Ti pannakapasayaat  dagiti kalsada ket  nagtalinaed a prayoridad a programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno nadaras ti pannakairuar ti produkto dagiti mannalon ken manam-ayanda nga agdaliasat iti pagallatiwanda a lugar. 

Dagiti dadduma a programa ti LGU-Cabugao ken ti DA-RFO 1 ket dagiti sumaganad:

1. Tapno mabalanse ti disso a pakaipakatan ti Hybrid Program ti Munisipio ti  Cabugao, nangirusat ti DA-LGU ti Municipal Techno-Demo sadiay Barangay Nagsantaan, Cabugao, Ilocos Sur idi  Wet Season Crop 2012 (Hunio-Nobiembre) babaen ti panangipatungpal ti Farmer-Cooperator a ni Mr. Hermelino Sinco ken panangtarabay ni Mr. Obas Bill Y. Baclig, AT/DA-LGU a makasakup kadaytoy a barangay. Aglawa ti Demo-Farm iti .25 Ha. ken namulaan ti Bigante ti klasena a Hybrid Seed.

Daytoy a pannakaaramid  ti Demo-Farm itoy a deppaar ket paset iti plano ti opisina ti DA-LGU a mangipamaysa ti panangpatulad ken  panangsurot kadagiti mannalon iti kabaruanan a teknolohia ket in-inutenda koma   nga idisso   ti kadaanan a wagas ti panagtalon. 

2. Simmaruno a naaramid  ti Field Day and Graduation ti Season-Long Farmers Field School of Local Farmer Technician   on Sustainable Corn Production ti 25  a nagadal a mannalon (Farmer- Partners) iti Barangay Nagsantaan idi Pebrero 10, 2015 iti Barangay Auditorium, Barangay Nagsantaan, Cabugao, Ilocos Sur.

Daytoy a panagadal ket inesponsoran ti Dapartment of Agriculture-RFO 1, OPAG-Ilocos Sur, Agricultural Training Institute (DA-ATI)  ken iti LGU-Cabugao nga idauluan ni Mayor Edgardo “Ediboy” S. Cobangbang, Jr. ken impatungpal ti DA-LGU a tinarawidwidan da  Mr. Obas Bill Y. Baclig, AT,  Mr. Henry B. Saliganan ken ni Mr. Bert Vicente, agpada a Local Farmer Technician. 

Ni Mayor Edgardo “Ediboy” S. Cobangbang, Jr.  ti  namagsapata kadagiti opisiales ti FFS-Corn   ken binigbigna iti pannakaakseptarda a naggraduar iti nasao a kurso dagiti 25  a mannalon.

Iti Mensahe ni Mayor Ediboy, kimmablaaw ken nagyaman ti Ama ti Ili  iti naipakita a kabaelan dagiti nagpartisipar kadaytoy a programa ti panagpatanoran ti mais.

Bininsa ti Alkalde Munisipal iti pateg iti  nagun-odda nga adal ket aramiden met ti Munisipio ken iti DA-RFO 1 iti agtultuloy a pannarabayda ken mangkomplementar kadagiti pagdur-asan ti programa iti agrikultura a mangnayon pay iti matgedan dagiti mannalon.

SIGLAT AWARDS 2014
2nd Runner-up
Safest and Most Peaceful Barangay 
Outstanding RIC 

SIGLAT AWARDS 2013
Champion
Outstanding RIC. # (Web In-Action)