Monday, March 16, 2015

BACALL MPA, LIVESTOCK PRODUCER TI SIGLAT AWARDS!

Cabugao, Ilocos Sur – Malaksid iti iggemna a Titulo iti “Best In Livestock Production iti kalleppas a Siglat Awards 2014, naipangruna pay nga Asosasion ti BACALL MPA a nakagun-od iti naruay a Post-Harvest Facilities &  Machineries ken dadduma  a proyekto ti DA-RFO 1, San Fernando City, La Union.


1. Nagun-od ti Baclig-Lusong Suyo (BACALL)  Multi-purpose Association nga idauluan ni Mr. Dominador Reynold Sabio ti dua a proyekto: Multipurpose Drying Pavement ken Flatbed Dryer manipud iti Department of Agriculture, Regional Field Unit 1, San Fernando City, La Union babaen ti tulong ti Gobierno Munisipal  nga idauluan ni Mayor Edgardo “Ediboy”  S. Cobangbang, Jr. ken DA-LGU nga imatonan ni Municipal Agriculturist  Zenaida S. Andrada idi Setiembre 14, 2012.

Malaksid kadagitoy a proyekto, nagun-od pay ti BACALL MPA ti ramit a  Tresher ken Financial Assistance manipud iti LGU Cabugao iti dayta a tawen.

2. Nagun-od ti BACALL (Baclig-Callaguip-Lusong Suyo) Multipurpose Farmers Association dagiti makinaria kas iti Rice/Corn Thresher, Rice Cutter,  ken Robin Generator, babaen iti inisiatibada ken panangtarabay  kadakuada ti Gobierno Munisipal nga idauluan ni Mayor Edgardo “Ediboy” S. Cobangbang, Jr.

Kabayatanna, naipatakder  ti Farmers’ Shed-da, pasdek ti Flatbed Dryer,  ken Solar Dryer, agaassidegda a masarakan  iti Sitio Lusong Suyo, Barangay Baclig, Cabugao, Ilocos Sur nga usaren dagiti mannalon idi Tawen 2012.

3. Naangay ti Farmer’s Field School-Corn Category ti BACALL MPA nga idi Abril 8, 2014  iti Palay Shed ti Asosasion, Sitio Lusong Suyo, Brgy. Baclig, Cabugao, Ilocos Sur a nagatendaran dagiti Corn Farmers ti Barangay Baclig, pannakabagi ti DA-LGU Cabugao ken iti panagbisita dagiti pannakabagi ti Corn Banner Program-Regional Level  ti DA-RFO 1, San Fernando City, La Union nga indauluan ni Ms. Rhoda A. Galban, Regional Corn Report Officer.

Nairaman a napagsasaritaan ti pannnakagun-od ti Asosasion iti mausar  a Cornmill para iti Post-Harvest ken iti  makinaria a  Traktora para iti Land Preparation ti Crop Production Program a pagbuligan nga isaysayangkat ti DA-RFO 1, San Fernando City, La Union  ken ti LGU-Cabugao nga idauluan ni Mayor Edgardo “Ediboy” S. Cobangbang, Jr. tapno maingato ti matgedan dagiti mannalon ti mais babaen iti panangsagrapda ti kaipapanan dagiti kabaruanan a wagas ken Teknolohia iti panangprobitsar iti daytoy a Cash Crop. 

4. Naaramid ti Hands-on Exposure ti 20 nga MMSU Graduate Students ti Mariano Marcos State University (MMSU) tapno aramidenda ti “Bloodless Castration in Large Ruminants” babaen ti Burdizzo Technique idi Marso 2, 2013 kas paset ti kursoda iti Advances in Ruminant Production.

Dimmagas dagiti estudiante iti Cabugao-Dayo nga idauluan ni Prof. Jaime T. Salazar, Registered Veterinarian ket nakikoordinarda ken ni Municipal Meat Inspector Dante Naval  iti pakaseknan ti panggepda ken dagiti programa  para  iti livestock sector iti institusionda. 
Nakisarsarita  met ni   Mayor Edgardo “Ediboy” S. Cobangbang, Jr. iti panagbisita dagiti estudiante/mangisursuro  ket  sinuportaranna daytoy a  hands-on activities-da.

Iti pannaki-amad idi ti Web In-Action, imbatad ni Mr. Dante Castillo ken Ms. Rona Cristobal, agpada a Graduate  School Students a maragsakanda a makaammo a suportado ti LGU-Cabugao  iti Agriculture Sector para iti napintas a pannakaipatungpal dagiti programa pang-agrikultura. 

Impeksa met ni BACALL MPA President D. Reynold Sabio iti panagyamanna iti delegasion ti MMSU ken ti LGU-Cabugao iti pannakapili ti asosasionda a napanan dagiti nagbisita ditoy 

5. Segun ken ni Mr. Dominador Reynold S. Sabio, Presidente, BACALL MPA ti Barangay Baclig, Cabugao, Ilocos Sur nga iti kaadda ti post-harvest facility a Flatbed Dryer-da  ket dakkel unay ti maitulongna uray iti panawen ti kainit ken katudona iti amin a bilagen a produktoda  kangrunaan iti pagay ken mais.

Innayon pay ni Mr. Sabio, nadutokan babaen iti DA-LGU  a Gov. Ryan Corn Program Coordinator ditoy ili a Cabugao a mangrugi ti tudtudo ti bulan ti Hunio ditoy Ilokos ngem agsangpet dagiti umay agpamaga iti Flatbed Dryer-da a kasta man met laengen  iti napasamak iti kallabes a tawen maigapu ta awan metten ti ressatna iti panagmula dagiti mannalon iti mais (puraw wenno amarilio) iti aniaman a bulan ti tawen tapno maingato ti matgedanda iti panagtalon.
Insupusop ni Mr. Sabio a malaksid a makatulong ti Flatbed Dryer a mangparnuay iti pagsapulan dagiti kameng/tao a katulonganda nga agobra, saan a maarus dagiti ipamagada iti kalidad a kayat dagiti Corn Traders a gatangen iti napintas a presio iti  saan a bumaba iti P12/kilo no di ket ngumatngato pay maigapu iti linteg ti “Supply and Demand” ti mais iti merkado.

Mangnamnama ni Mr. Sabio a maprobitsar met dagiti adda padada a Flatbed Dryer nga asosasion iti ili ti Cabugao tapno makatulongda met iti panggep ti Gobierno Munisipal, OPAG-Ilocos Sur ken ti DA-RFO 1 a pannakasaranay dagiti mannalon iti pannakailako dagiti produktoda iti nainkalintegan a presio. 

Damdamo ti BACALL MPA a makisalip iti Siglat Awards para iti Tawen 2014 ngem inyalatna ti kinakampeonato iti kategoria a nakisalisalanna.

SIGLAT AWARDS 2014
Champion
Best in Livestock Production.  #  (Web In-Action)

No comments:

Post a Comment