Wednesday, March 18, 2015

MALUNGGAY & KATURAY SEEDLINGS, MAIWARWRAS KADAGITI BARANGAY

Cabugao, Ilocos Sur – Rinugianen ti Munisipio nga inwaras dagiti seedlings ng a inted ti Department of Agriculture (DA)-RFO 1 partikular iti High Value Commercial Development Program (HVCDP) babaen iti panangimaton ni Mrs. Ester P. Aguimbag, AT,  iti LGU-Cabugao.

Imbatad ni MENRO Edgar S. Balangatan, AT, a rinugiandan ti nagiwaras kadagiti lugar ti ili nga addaan ti bilang iti 33 a barangay.

Innayon ni Mrs. Aguimbag nga adda 3,000 a Seedlings ti Katuray idinto ta 7,000 ti Malunggay a masagsagana a maiwaras a nakadeposito idiay Municipal Bamboo Propagation Nursery (Near Municipal Greenhouse), Brgy. Baclig, Cabugao, Ilocos Sur.

Dagitoy nga aksion ken inisiatiba ket gubuay ti natanipkel a pannakikammayet ti LGU-Cabugao nga idauluan ni Mayor Edgardo “Ediboy” S. Cobangbang, Jr. kadagiti Ahensia a makaited iti pagsayaatan dagiti mannalon ken sapasap nga umili ti Cabugao, Ilocos Sur. # (Web In-Action)

No comments:

Post a Comment