Cabugao, Ilocos Sur – Naangay ti Cabugao Day Care Mass Recognition, Cluster 1, Batch 2017 iti Cabugao Cultural and Sports Complex, Brgy. Rizal, Cabugao, Ilocos Sur iti bigat ti Marso 14, 2017.
Dagiti nagpartisipar ket buklen ti Child Development Center (CDC) iti Brgy. Bato; Brgy. Bungro; Brgy. Carusipan; Brgy. Dardarat, Brgy. Daclapan; Brgy. Lipit; Brgy. Maradodon; Brgy. Pila; Brgy. Quezon; Brgy. Sabang ken Brgy. Salapasap a naggapuan dagiti ubbing a nagturpos iti Day Care.
Iti programa, immuna a naaramid ti Grand March nga indauluan dagiti LGU Officials, Guest Speaker, MSWD Officers, Parents/Guardians ken dadduma a bisita iti nasao a Recognition Ceremony.
Nangipaay ti Invocation ni Miss Elizabeth Somera, Child Development Worker (CDW) ti Sabang Child Development Center (DCC). Kalpasan a nakanta ti Pambansang Awit ken Cabugao Hymn, nag-Welcome Address ni Ms. Susan Manahan, Carusipan CDC ken Words of Welcome ni Ms. Jonalyn Tabula (FDCSPG).
Naisaganad ti Pinning of Ribbons kadagiti Graduates babaen kadagiti Nagannak/Guardians.
Naisaruno ti Awarding of Medals to the Outstanding Graduates iti sangapulo ket maysa a CDC babaen kadagiti Nagannak.
Nangipaay ti Mensahena da Vice Mayor DJ Savellano; SBM Atty. Bryan Jett S. Pano, Committee Chairman on Social Services. Nagsarita met ken kimmablaaw ni SBM Vicky S. Serna, Vice Chairman, Committee on Social Services.
Simmaruno ti Awarding of Gold Medals to the “Most Outstanding Graduates”.
Nai-Award dagiti Gold Medals kadagiti A-1 Children babaen kadagiti Donors.
Introduction of the Guest Speaker ti inaramid ni Miss Marites Sinampaga, Salapasap CDW.
Nagpaay a Guest Speaker ni Miss Teresita Maximina S. Sison, Human Resource Management Officer ti LGU-Cabugao. Kimmablaaw ken nagyaman ti HRM Officer iti pannakikaysana kadagiti maragragsakan a nagannak ken ub-ubbing a napadayawan ita nga aldaw. Anag ti Mensahe ni Ms. Sison iti agtultuloy koma a maited nga ayat ken panangsursuro kadagiti ubbing tapno maasa dagiti kabaelanda ket agbalindanto a mangitag-ay ti kasasaad dagiti nagannak ket mapangnamnamaan ida ti pamiliada ken iti pagilianda iti masakbayan.
Naaramid ti Awarding of Certificate of Appreciation and Giving of Token to the Guest of Honor and Speaker.
Naisaruno met ti Awarding of Medals to the Participants of the Municipal Children’s Congress.
Kalpasan ti Presentation of the Graduates, kinompirmar ni MSWD Officer Mrs. Lydia S. Gazmen ti panagturpos dagiti ubbing iti dayta nga aldaw. Pinadayawan ni Mrs. Gazmen ti agtultuloy nga akem dagiti Nagannak/Guardians a kadua dagiti Child Development Workers (CDWs) a mangtartarabay kadagiti ubbing tapno maiturongda iti napintas a masakbayan iti panagadalda. Innayon ni Mrs. Gazmen a ti balligi ti ubing ket balliginto met ti nagannak.
Kalpasan ti Farewell Speech ti Day Care Pupil, naited dagiti Certificate dagiti ubbing a nagturpos ket indauluan da Vice Mayor DJ Savellano ken ni Guest Speaker Miss Teresita Maximina S. Sison, Human Resource Management Officer a binayabay da SBM Vicky S. Serna; MSWD Officer Mrs. Lydia S. Gazmen ken ni MSWD Assistant Mrs. Leonora G. Reintar iti nagiyawat kadagiti sertipiko kadagiti ubbing a naggraduar.
Naisaganad ti Graduation Song by the Graduates.
Closing Remarks ti binagi ni Ms. Joy Engelyn G. Ventura, Quezon CDW. Pinagyamananna iti amin a timmarabay kadaytoy a naindaklan nga aldaw a panagturpos dagiti Day Care Pupils iti 11 a barangay ti Munisipalidad.
Nagpaay nga Emcee da Ms. Marites Sinampaga; Ms. Susan Bernabe; Mrs. Sabina Sarinas ken ni Mr. Ronie C. Solar, agpapada a CDWs. # (Web In-Action)
No comments:
Post a Comment