Cabugao, Ilocos Sur – Maar-aramid ti Skills Training para kadagiti inna nga interesado a maaddaan ti pagkakitaan manipud iti Federated Rural Improvement Club (RIC) iti las-ud ti 33 a barangay iti ili a Cabugao, Ilocos Sur iti Marso 21, 2017.
Naaramid ti panagsanay babaen iti programa ti Department of Trade and Industry nga imbagian ni Engr. Yolando Q. Quiocho, DTI Officer, Vigan City a Trainor a naggapu iti UNP, Vigan City ken iti pannakikammayet ti LGU-Cabugao nga idauluan ni Mayor Josh Edward S. Cobangbang.
Napauluan ti panagsanay iti Skills Upgrading Training/Product Diversification on Veggie Noodles Making a naangay iti ECCD Building, Cabugao, Ilocos Sur a ditoy ti pagpartisiparan iti 20 a kameng ti Federated RIC ket dagiti pagresultaan ti panagsanayda ket makapartuatda iti Squash/Saluyot/Camote & Ampalaya Noodles.
Kanaig daytoy, naaramid pay sakbayna iti dua a panagsanay babaen met laeng iti programa ti Department of Trade and Industry Vigan City kadagiti umili iti dua a barangay ditoy Cabugao, Ilocos Sur.
Immuna a naaramid ti Ube Processing and Upgrading Training idiay Barangay Cacadiran, Cabugao, Ilocos Sur a nagpartisiparan iti 22 a kameng ti Cacadiran Farmers Association ken Cabugao Federated RIC idi Marso 13-14, 2017 a nagresultaan iti pannakaramid dagiti produkto nga Ube Halaya; Nutty Ube; Ube Re Cream ken Ube Wine.
Simmaruno a naaramid ti panagsanay iti Product Diversification Training on Pigeon Pea Processing a naangay idiay Sitio Lusong Suyo, Brgy. Baclig, Cabugao, Ilocos Sur idi Marso 16-17, 2017 a nagatendaran ti 20 a kameng ti Ilocos Kardis Growers Association ken Cabugao Federated RIC ket naaramid dagiti produkto iti Kardis Brownies/Cookies/Muffins Kardis with Ube Halaya.
Iti panagsanay ti Veggie Noodles, inlawlawag ti Trainor ti Department of Industry (DTI) iti panggep ken aramiden dagiti agsanay ket naangay a dagus ti Hands-on wenno aktual a panagadal/panagsursuro iti inaramid dagiti 20 a nagsanay.
Iti pannakiuman ti Web In-Action ken ni Engr. Quiocho ket kinunana a kangrunaan a panggep ti programa a tulongan dagiti inna ken uray dagiti amma a mangiyagpang iti kabaelanda iti matarusanda a pagkakitaan kas itoy tapno manayonan ti matgedanda. Mangnamnama ti Opisial ti DTI a mataginayon dagitoy a proyekto a maited babaen iti panagtinnulong ti Ahensia ti DTI-Vigan City ken iti LGU-Cabugao nga idauluan ni Mayor Josh Edward S. Cobangbang babaen itoy a proyekto.
Nakikaysa iti rugi ti panagsanay da SBM Vicky S. Serna ken ni ABC President Thaddeus U. Soller.
Dagiti ramit a mausar ket pannakabagi ti DTI a maited kadagiti agsanay idinto ta iti met Merienda ken iti Makan iti pannakabagi ti LGU-Cabugao iti naaramid a panagsanay, segun pay ken ni Engr. Yolando Q. Quiocho ti DTI. # (Web In-Action)
No comments:
Post a Comment