Cabugao, Ilocos Sur –Inggannuat ti Bureau of Fire Protection-Cabugao nga idauluan ni Fire Marshal Inspector Elmer C. Acapuyan iti naaramid a Motorcade iti pannakairubuat ti Fire Prevention Month 2017 ita a bulan ti Marso 2017.
Ti nasao nga aktibidad ket addaan ti Tema: “ Buhay at Ari-arian ay Pahalagahan, Ibayong Pag-iingat sa Sunog ay sa Sariling Pamamahay Simulan”.
Panggep pay iti Motorcade iti panagrikusda iti Poblasion partikular kadagiti processional route ket tapno maipasagepsep iti sentido ti kaaduan iti pateg ti panagimutektek/panagsagana a mangtiped iti taudan ti uram.
Daytoy ket tinawen nga aktibidad a paset ti programa ti DILG-BFP a maipatungpal kadagiti Partner-LGUs ti pagilian. Kas pakauna nga aktibidad a mangsuporta kadaytoy a tignay ket iti pannakaaramid ti Drawing, Poster Making, Photo and Essay Writing Contest a maaramid inton Marso 7, 2017 iti Opisina ti BFP-Cabugao.
Kanaig daytoy, impakaammo ni Engr. Nestor B. Somera, MDRRMC Officer a kaduada ti BFP-Cabugao a support unit iti pannakaaksion dagiti pakaseknan no tiempo ti kalamidad. Innayonna nga iti uram ket maysa a karanggasan a didigra a pasaren ti maysa a maseknan ket tumulongda nga agtignay ken sumuporta a mangprebentar iti kellaat a pannakapasamak
ti emerhensia.
Dagitoy nga aksion ken inisiatiba ket maigapu iti nakaysa a panagbinnulig dagiti Opisina ken Ahensia iti salinong ti LGU-Cabugao nga idauluan ni Mayor Josh Edward S. Cobangbang iti pannakaobserbar daytoy a pakaseknan iti sapasap ita a bulan ti Marso 2017. # (Web In-Action)
No comments:
Post a Comment