Cabugao, Ilocos Sur – Nagleppas ti pasalip iti Region 1 Athletic Association Competition (RIAA) 2017 nga insayangkat ti DepED Region 1 idiay Quirino Stadium, Bantay, Ilocos Sur manipud idi Marso 3 agingga iti Marso 8, 2017 babaen iti Tema: “Sports: Breaking Barriers, Transforming Lives”.
Buklen ti 16 a Delegasion ti umaayam ken Coaches/Sports Officials a naggapu iti uppat (4) a Probinsia: Ilocos Norte; Ilocos Sur; La Union; ken Pangasinan kasta metten iti siam (9) a Siudad: Laoag City; Batac City; Vigan City; Candon City; San Fernando City; Urdaneta City; Alaminos City; San Carlos City; Dagupan City; agraman iti RSAC ken ti Regional Office ti DepED Region 1 a nakabuklan ken nakatiponan iti nasurok a waloribu a Delegado a nakipartisipar.
Buklen met ti 23 a Playing Venues a masarakan iti 8 nga ili agramanen ti Host Municipality ti Bantay ken Vigan City kasta metten iti 16 a Billeting School Center dagiti Delegasion ken 21 nga Sports Events a naisagana a mapagsasalipan.
Maibasar iti Official Result iti Over-all Standing, nakaukkon ti Division iti Pangasinan II iti 58 a Gold Medal (Elementary/Secondary); 52 a Silver Medal ken 47 a Bronze Medal a nangyalatanna iti Rank 1 iti 14 a Division a kinasalisalna.
Dagiti sumaganad ti puesto ken nangabak iti RIAA 2017:
1. Pangasinan II
2. Dagupan City
3. Pangasinan I
4. Urdaneta City
5. La Union
6. Laoag City
7. Ilocos Norte
8. Batac City
9. San Carlos City
10. Ilocos Sur
11. San Fernando City
12. Alaminos City
13. Candon City
14. Vigan City. # (Web In-Action)
No comments:
Post a Comment