Cabugao, Ilocos Sur – Iti pannaki-amad ti Web In-Action iti Marso 30, 2017, agtultuloy nga as-asikasuen da Mr. Obas Bill Y. Baclig, AT ken ni Mr. Nathaniel B. Galamgam, AT, Organic Production Focal Person agraman dagiti kakaduada a Personnel iti pannakaipatungpal ti nasao a proyekto iti Vermicompost/Vermiculture Bin a masarakan iti compound ti Municipal Plant and Nursery, Brgy. Baclig, Cabugao, Ilocos Sur.
Innayon ni Mr. Baclig a ti Vermiculture/Vermicomposting Project ti DA-LGU ket panggepna a tignayen ken ipakita iti epekto ti organiko a ganagan iti pannakaiyaplikar iti mula a pagay ken nateng. batay iti sinaguday ti Republic Act No. 10068
“AN ACT PROVIDING FOR THE DEVELOPMENT AND PROMOTION OF ORGANIC AGRICULTURE IN THE PHILIPPINES AND FOR OTHER PURPOSES”
a linteg a mangipatungpal iti Organic Agriculture ket agbalin a kapartner ti DA iti LGU-Cabugao iti implementasion ti nadakamat a linteg.
Imbatad ni Mr. Baclig a makaaramid dagiti tarakenda a Night Crawler iti 35 bags @ 40 kgs. iti unos ti 45 Days. Malakoda ti P200 kada bag iti produksionda. Kaaduan a dagiti mannalon ti gumatang kasta met kadagiti agmulmula ti nateng. Kastoy latta ti aramidda ditoy Vermicomposting Bin nanipud pay idi Tawen 2010.
Kalpasan a maapit dagiti abuno nga inaramid dagiti hybrid nga alinta ket makargaan manen ti vermicompost bin kadagiti materiales a mausar ken maikkan iti Night Crawler ket iti unos ti dua a bulan a mapalabas ket mapagbalin dagitoy nga abuno a maiyusar kadagiti agtan-ay a mula.
Innayon ni Mr. Baclig nga agpaay a show-window kadagiti mannalon daytoy ket naestablisar metten dagiti nakananama a napatuladanda a masarakan ti Vermicompost Area-da kadagiti barangay ti ili.
Iti agdama, ti nadakamat a Vermicompost Production ti DA-LGU Cabugao ket agpaay a proyekto a mangkomplementar iti programa ti Gobierno Munisipal nga idauluan ni Mayor Josh Edward S. Cobangbang iti pannakaipatungpal/pannakaidur-as ti Organic Agriculture Act iti Sektor dagiti mannalon ditoy nga ili. # (Web In-Action)
No comments:
Post a Comment