Thursday, March 2, 2017

PAGDURDUR-ASAN TI FFS-CORN TI SAGAYADEN FREE FARMERS - MPCI, NASAYUD

Cabugao, Ilocos Sur –Agtultuloy ti pannakaiyimplimentar ti Farmer Field School (FFS)-Corn Category iti  25 a kameng ti  Free Farmers Sagayaden MPCI, Cabugao, Ilocos Sur babaen iti panangigannuat ti DA-RFO 1, San Fernando City, La Union; Office of the Provincial Agriculture (OPAG)-Ilocos Sur kasta metten  iti LGU-Cabugao nga idauluan ni Mayor Josh Edward S. Cobangbang.

Maibatay iti palawag ni Mr. Nereo S. Daproza, Trainor/Facilitator kadaytoy a proyekto ket aglawa iti .5 Ektaria ti minulaanda iti Ryan Corn Conventional Hybrid,  LVN- 10.  Innem  a dasig (6 treatments)  ti panagadal ket ditoy a matakuatan no ania ti kapintasan ket innayon ni Mr. Daproza nga: “Adopt the Best!” kadagiti mannalon kalpasan iti uppat ket-gudua (4 ½)  a bulan wenno 18-20  weeks a pannakaapit dagitoy a demo-farm ti mais. Masarakan ti demo-farm iti lauden ti National Highway iti Sagayaden Sur, Cabugao, Ilocos Sur. 

Narugian ti proyekto idi Disiembre 20, 2016 ket manamnama a maileppas inton umuna a lawas ti Abril 2017.

Maangay ti panagtitipon dagiti mannalon iti kada bigat ti Martes  (8:00 am-12:00 Noon) ket addan iti Blistering Stage (agbukbukel ti kernel ti bunga ti mais) dagiti mulada a Ryan Corn.

Idauluan ni Mr. Benedict Satumba, FFS President ket ni met Mr. Rogelio Alejandro ti nagpaay a Farmer-Cooperator.

Segun ken ni Mr. Nerio Somera Daproza, Trainor/Facilitator pay  ket  dagiti sumaganad ti kangrunaan a panggep ti Departamento ti Agrikultura (DA) iti pannakaipakat daytoy a proyekto:

1.  Mangingato ti produksion ti mais.
2. Pannakausar ti kabaruanan a teknolohia maibasar iti Good Agriculture Practices (GAP) ken Organic Agriculture.

Dagiti agdama a module a maisursuro kadagiti corn farmers ket dagiti sumaganad:

1. AESA Concepts/Its significance on Corn Production.

2.   Different stages of the cornplants.

3. Corn contribution to the Philippine Economy.

Innayon ni Mr. Daproza a maikkan ti importansia iti pannakaidur-as ti panagmula ti mais agsipud ta napasingkedan a dakkel a katulongan dagiti mannalon a mangnayon iti mapastrekda iti panagmulaan ta malaksid iti pagay, tabako ken nateng ken dadduma pay a cash crops ket ti mais iti nabiit  a maapit ken mabalin a maimula iti Wet ken Dry Season iti mayataday a klase ti daga a pagmulaan. 

Kadua ni Mr. Daproza iti proyekto  ni Ms. Katrene Joy P. Tapuro, AT,  Municipal Corn Coordinator. # (Web In-Action)

No comments:

Post a Comment