Cabugao, Ilocos Sur – Naisayangkat ti Information Education Campaign on Dental Health Care and Distribution of Dental Health Care Gifts iti uppat a Day Care Centers a dagitoy ti Brgy. Dardarat; Brgy. Nagsantaan; Brgy. Cuantacla ken ti Brgy. Maradodon, Cabugao, Ilocos Sur idi Pebrero 28, 2017.
Indauluan ni Dra. Ma. Anastacia de los Reyes, DMD, dagiti pannakabagi ti RHU a nagasikaso kadagiti Day Care Pupils iti pasdek ti Cecilia T. Flores Memorial Dental Clinic, Cabugao, Ilocos Sur.
Kalpasanna, sinaggaysa ti Dentista nga inamiris ti ngipen dagiti ubbing ken naikkan ti tunggal ubing iti sagut a (Toothbrush, Toothpaste) nga ipaay ti LGU-Cabugao nga idauluan ni Mayor Josh Edward S. Cobangbang.
Imbatad dagiti nagannak a nangkuyog kadagiti annakda iti agtultuloy a panagyamanda iti Gobierno Munisipal nga idauluan ni Mayor Josh Edward S. Cobangbang ta naaramid ti serbisio-dental kadagiti annakda.
Tinawen daytoy a maamiris ti ngipen dagiti agad-adal iti Day Care ket adda napagnunumuan dagiti Child Development Workers nga eskediul dagiti Day Care Center a masakupanda a papan iti Cecilia T. Flores Memorial Dental Clinic, segun ken ni MSWD Officer Mrs. Lydia S. Gazmen. # (Web In-Action)
No comments:
Post a Comment