Cabugao, Ilocos Sur – Kas paset iti panangparegta dagiti Mangisursuro iti Cabugao South Central School, naangay ti Recognition Day dagiti ubbing a nakagun-od iti Pammadayaw (ranking) iti klaseda iti bigat ti Marso 29, 2017 ket naiyawat dagiti sertipikoda iti School Stage iti nadakamat a pagadalan a tinalantanan dagiti nagannak nga idauluan dagiti PTA Officers ken dagiti Teachers nga idauluan ni Mrs. Melvi S. Sajonia, Principal II iti CSCS.
Naikkan iti Academic Excellence Certificate iti tunggal maysa dagiti Honor Pupils manipud Kindergarten agingga iti Grade VI iti 4rth Quarter iti Tawen 2017. Siraragsak dagiti nagannak ken mangisursuro a nangpadayaw kadagiti ubbing tapno igaggagetda pay ti agadal.
Kanaig daytoy, impakaammo ni Mr. Rommel Santella, Mangisursuro iti nadakamat a pagadalan a maangay ti Graduation Exercises ti Grade VI iti nadakamat a pagadalan inton Abril 7, 2017. # (Web In-Action)
No comments:
Post a Comment