Cabugao, Ilocos Sur – Naileppasen ti Accreditation dagiti 33 a Day Care Center a maaw-awagan itan iti Child Development Center iti ili a Cabugao, Ilocos Sur babaen iti Evaluation nga insayangkat dagiti DSWD Regional Representatives a kinuyog dagiti MSWDO Staff itay nabiit.
Segun ken ni MSWD Officer Mrs. Lydia S. Gazmen, naammuan ti resulta iti nadakamat nga Evaluation nga adda ti 98 % ti Child Development Centers iti nakapasa ket adda laeng tallo a centers a kasapulan iti pannakapasayaatna nupay agserserbi dagitoy a multipurpose center iti lumugar kadagita a barangay.
Iti Exit Conference, naisingasing dagiti pannakabagi ti DSWD Region 1 ken naawagan ti imatang dagiti Kapitanes ti Barangay iti pannakinamingda iti pannakanayon iti Honorarium dagiti Child Development Workers gapu iti kasasaad ti trabahoda nga agisuro ken agaywan iti ub-ubbing.
Nagatendar ni Mayor Josh Edward S. Cobangbang iti nadakamat a komperensia ket nakikaysa iti pakaseknan dagiti mangimatmaton iti Child Development Centers ken kitaen ken aramiden ti Munisipio iti pannakaaramid iti pannakasurot dagiti pagrukodan wenno standard a maaramid ken masurot tapno naan-anay iti Accreditation ti 33 a Child Development Centers.
Naisingasing pay iti pannakinaming dagiti Barangay Captains iti panangilatangda iti dadduma a kasapulan dagitoy a pakaseknan iti barangay-da. # (Web In-Action)
No comments:
Post a Comment