Cabugao, Ilocos Sur – Ditoy ili a Cabugao, imbatad ni Dr. Mark-Lawrence R. Tirao, M.D. ken kabarbaro a Doktor ti RHU-Cabugao a napintas ti rekord dagiti barangay maipapan iti sanitary toilet nga agdama ita a pokusan ti Department of Health (DOH) babaen iti programana a “Zero Open Defecation” iti intero a pagilian.
Imbatad ni Dr. Tirao a nakikoordinardan iti Liga ng Mga Barangay Captain iti nabiit pay a mitingda iti pannakaipatungpal daytoy a Direktiba ti DOH iti Munisipalidad ket tumulong ti Munisipio a mangsolbar kadagiti barangay nga adda parikutna iti pagpaknian.
Dagitoy nga aksion ken inisiatiba ket parte iti pannakaidur-as ti serbisio ti salun-at kadagiti agnanaed iti aw-away wenno barangay iti ili a pannakaidanon ti serbisio babaen iti agtultuloy a Programa ti Salun-at ti LGU-Cabugao nga idauluan ni Mayor Josh Edward S. Cobangbang. #(Web In-Action)
No comments:
Post a Comment