Cabugao, Ilocos Sur – Saan a mapasamak ti panagkurang ti suplay a nateng iti NISTC Public Market ta adda latta maprodukto dagiti Off-Season Planters nangruna iti lugar a masasao a “Vegetable Bowl” ti ili nga isu ti Brgy. Salapasap ken kasta metten kadagiti dadduma pay a barangay a naed dagiti mannalon a marmaruam nga agmula ti nateng.
Iti panagmonitor ti Web In-Action iti Tiendaan ti Cabugao, naregta ken nasapa a mapan aglako dagiti Vegetable Vendor and Traders iti partena a masakupanda iti Tiendaan nagruna iti kaaldawan ti Tienda. Imbatad ti kaaduan kadagiti aglaklako a saan a problema ti presio ti nateng ta mabalanse maigapu kadagiti maapit iti Off-Season ken nasaknap iti Backyard Gardening a programa ti LGU-Cabugao kadagiti sektor a maseknan iti pagtaraon.
Kabayatanna, innayon dagiti Vegetable Vendors nga adu pay ti nateng nga aggapu iti kabangibang nga ili a mangbalanse no kaspangarigan bumassit ti suplay ti merkado.
Dagitoy nga aksion ken inisiatiba ket resulta iti nasaknap a programa ti Gobierno Munisipal nga idauluan ni Mayor Josh Edward S. Cobangbang iti agtultuloy a pannakaparegget iti programa ti Vegetable Production babaen iti panangimaton ti High Value Crop Development Program (HVCDP) a pagkammayetan ti LGU-Cabugao ken ti DA-RFO 1. # (Web Situational Report)
No comments:
Post a Comment