Cabugao, Ilocos Sur – Nagmiting dagiti Barangay Nutrition Scholars (BNS) idi Marso 1, 2017 idiay St. Mark Parish Center, Roman Catholic Church, Cabugao, Ilocos Sur tapno iringpasda ti reportda kadagiti aktibidadesda kadagiti barangayda nangruna dagiti binulan a reportda a pakaseknan iti trabahoda.
Dagiti kangrunaan a natratar ken napagnanamingan ket dagiti sumaganad:
1.Paanakaisubmiter dagiti Report ken dadduma pay a Forms a kasapulan maikkan ti datosna.
2.Pannakaisagana dagiti Barangay Nutrition Corner/Office for the Provincial Evaluation para iti B rgy. Nutrition Program Implementation.
3.Pannakaiyeskediul iti bulan ti Marso 2017 para iti Briefing/Orientation of BNC Monitoring ti Evaluation Team iti amin a barangay.
Segun pay ken ni Ms. Jeanette Garcia, Municipal Nutrition Action Officer ket maar-aramid latta iti inaldaw a pannakaipakat dagiti wagas a pangpasayaat ti programa ti Nutrision kadagiti barangay maigapu iti aktibidad dagiti Barangay Nutrition Scholars (BNS), maseknan a Komite ti Konseho ti Barangay ken ka-koordinarda pay dagiti kameng ti Barangay Health Workers (BHWs), Community Health Team (Kalusugan Pangkalahatan) ti LGU-DOH.
Dagitoy nga aksion ken inisiatiba ket maigapu iti agtultuloy a pannakaibayog ti programa ti Nutrision iti inaldaw a suportaran ti Gobierno Munisipal nga idauluan ni Mayor Josh Edward S. Cobangbang tapno mamantener ti kinasalun-at dagiti umili kangrunaan dagiti babassit nga ubbing. # (Web In-Action)
No comments:
Post a Comment