Cabugao, Ilocos Sur – Naaramid ti Mass Recognition ti Cabugao Child Development Center Pupils Cluster 3, Batch 2017 iti Cabugao Cultural and Sports Complex, Brgy. Rizal, Cabugao, Ilocos Sur iti bigat ti Marso 15, 2017.
Dagiti nagpartisipar ket buklen ti Child Development Center (CDC) iti Brgy. Alina-ay; Brgy. Arnap; Brgy. Baclig; Brgy. Bonifacio; Brgy. Cael-layan; Brgy. Cuancabal; Brgy. Nagsincaoan; Brgy. Namruangan; NISTC CDC; Brgy. Sisim; Brgy. Turod Patac CDC a naggapuan dagiti ubbing a nagturpos iti Day Care.
Iti programa, immuna a naaramid ti Grand March nga indauluan dagiti LGU Officials, Guest Speaker, MSWD Officers, Parents/Guardians ken bisita iti nasao a Recognition Ceremony.
Nangipaay ti Invocation ni Mrs. Consolacion Bringas, Child Development Worker (CDW) ti Nagsincaoan Child Development Center (DCC). Kalpasan a nakanta ti Pambansang Awit ken Cabugao Hymn, nag-Opening Remarks ni Mrs. Daisy Semilla, Child Development Parent Group Treasurer ken nag-Words of Welcome ni Altheia Jane Cortado, NISTC Child Development Center Pupil.
Naiballaet ti Tula ken Awit nga Intermission Number babaen kada Daphne Anne Sumibcay ken ni Zharie Angela Ilar iti Bonifacio CDC ken NISTC CDC kas panagsaganadda.
Simmaruno ti Awarding of Gold Medals to the “Most Outstanding Graduates” babaen iti pannakabagi ni Mayor Josh Edward S. Cobangbang.
Naisaganad ti Pinning of Ribbons kadagiti Graduates babaen kadagiti Nagannak/Guardians.
Naisaruno ti Awarding of Medals to the Outstanding Graduates iti sangapulo ket maysa a CDC babaen kadagiti Nagannak.
Nangipaay ti Mensahena da Vice Mayor DJ Savellano; SBM Atty. Bryan Jett S. Pano ken ni SBM Vicky S. Serna.
Nai-Award dagiti Gold Medals kadagiti A-1 Children babaen iti Donor.
Introduction of the Guest Speaker ti inaramid ni Mr. Rudy Azcueta Ilar, Federated President, CDW.
Nagpaay a Guest Speaker ni Mrs. Alma Sabio Yasay, Medical Technologist a patubo iti Brgy. Baclig, Cabugao, Ilocos Sur. Kimmablaaw ken nagyaman ti Guest Speaker iti pannakaawisna nga agsarita iti imatang ti ub-ubbing nga agturpos ita nga aldaw. Bininsana dagiti napapateg a pammagbaga ken padas ti panagubing ken panagbasana a mangibati iti adal kadagiti dumdumngeg.
Naaramid ti Awarding of Certificate of Appreciation and Giving of Token to the Guest of Honor and Speaker babaen kadagiti Opisiales ti Ili.
Naisaruno met ti Awarding of Medals to the Participants of the Municipal and Provincial Children’s Congress (Singing and Draw and Tell Contest).
Kalpasan ti Presentation of the Graduates ni Mr. Ferico Arcebal, Bonifacio CDW, kinompirmar ni MSWD Officer Mrs. Lydia S. Gazmen ti panagturpos dagiti ubbing iti dayta nga aldaw. Pinadayawan ni Mrs. Gazmen ti agtultuloy nga akem dagiti Nagannak/Guardians a kadua dagiti Child Development Workers (CDWs) a mangtartarabay kadagiti ubbing tapno maiturongda iti napintas a masakbayan iti panagadalda.
Kalpasan ti Farewell Speech da Jeselle Villegas, Bonifacio Child Development Center Pupil ken Rianna Janna Sonido NISTC Child Development Center, naited dagiti Certificate dagiti ubbing a nagturpos ket da Vice Mayor DJ Savellano; Guest Speaker Mrs. Alma S. Yasay a binayabay da SBM Vicky S. Serna; SBM Josefina S. Vallejo; MSWD Officer Mrs. Lydia S. Gazmen ken ni MSWD Assistant Mrs. Leonora G. Reintar iti nagiyawat kadagiti sertipiko kadagiti ubbing a naggraduar.
Naisaganad ti Graduation Song by the Graduates.
Closing Remarks ti binagi ni Ms. Daisy Serdenia, Sisim CDW. Pinagyamananna iti amin a timmarabay kadaytoy a naindaklan nga aldaw a panagturpos dagiti Day Care Pupils iti 11 a barangay ti Munisipalidad.
Nagpaay nga Emcee da Mr. Rudy A. Ilar; Mr. Ferico Arcebal ken ni Ms. Daisy Serdenia, agpapada a CDWs. # (Web In-Action)
No comments:
Post a Comment