Cabugao, Ilocos Sur – Naileppasen dagiti nagsanay iti 10-Day Welding Skills Training iti 19 a Trainees a naggapu iti nadumaduma a barangay ti ili a Cabugao, Ilocos Sur iti Cabugao Cultural and Sports Complex, Brgy. Rizal, Cabugao, Ilocos Sur itay nabiit.
Ti 10 nga aldaw a nainayon iti aktual a panagsanayda ket kasapulan iti Ahensia ti TESDA iti maaramid nga Assessment sakbay a maited kadakuada iti NC II babaen iti TESDA maibasar iti napagnumuan ti LGU-Cabugao ken iti kapartnerna a mangipatungpal itoy a proyekto.
Ti immuna a panagsanay ket nagpaut iti 26 nga aldaw ken tinarawidwidan ni Mr. Mark Lester Acpan, Trainor manipud iti Igama Colleges Foundation, Inc., Badoc, Ilocos Norte.
Daytoy a panagsanay ket naipatungpal babaen ti BUB Program ti LGU-Cabugao ken iti Technical Education and Skills Development Authority (TESDA)-Vigan City ditoy Cabugao kadagiti indibidual a nangpadur-as iti kabaelanda iti teknikal a kurso a kasapulan iti lokalidad iti agdama.
Iti sabali a bangir, naileppas metten ti panagsanay iti Carpentry iti 2nd Batch ti BUB Program nga inwayat ti LGU-Cabugao ken ti TESDA, segun ken ni Mr. Edgar S. Balangatan, BUB Program Coordinator. Ni Mr. Glevin Servania ti nagpaay a Trainor dagiti nagsanay. # (Web In-Action)
No comments:
Post a Comment