Cabugao, Ilocos Sur – Naangay ti Meeting ti Association of Barangay Captains (ABC) iti Early Childhood Care Development (ECCD) Building idi Marso 1, 2015. Ni ABC President Thaddeus “Teddy” U. Soller ti nag-Preside iti nasao a miting.
Iti umuna a paset ket iti pannakatratar dagiti pakaseknan dagiti Coordinator kadagiti aktibidades a maaramid iti panagpiesta ti ili a kas iti Mr. & Miss Teen Cabugao 2017 ken dadduma pay.
Nataming pay dagiti pakaseknan iti benneg ti salun-at babaen iti pannakikoordinar ti RHU Cabugao kadagiti kakapitanes.
Natratar met dagiti aktibidades nga ipatungpal dagiti Kapitanes inton Grand ken Night Floating Parade ken iti panangisaganada kadagiti maiparada a Float iti tunggal barangay.
Nagsarita ni MLG Officer Constancia “Connie” L. Quinola, LGOO V ti LGU-Cabugao a nangtaming kadagiti pakaseknan dagiti Kapitanes ken programa ti Gobierno Nasional maipapan iti “Federalism” kasta metten iti Barangay Assembly Day para iti First Semester, CY 2017 a maaramid inton Marso 25, 2017, babaen iti Tema: “Sulong Barangay Kontra Droga, Krimen at Katiwalian: Makialam! Makilahok! Makiisa!”
Naballigi met a napagsasaritaan dagiti dadduma pay a pakaseknan dagiti Barangay ken Kakapitanes a nagatendar.
Na-adjourned ti miting iti 11:30 am. # (Web In-Action)
No comments:
Post a Comment