Cabugao, Ilocos Sur – Iti pannakiuman ti Web in-Action ken ni Dr. Melvyn Garma Castro, DVM, Municipal Livestock Program Coordinator a naselebraran ti Rabies Awareness Month manipud iti March 1, 2017 agingga iti March 31, 2017 babaen iti Executive Order No.84, series of 1999 a nangideklarar iti bulan ti Marso kada Tawen a Rabies Awareness Month.
TI Department of Agriculture (DA)– ken iti Bureau of Animal Industry (BAI) dagiti agpapaay a Chair of the National Rabies Prevention and Control Committee iti intero a pagilian.
Innayon ni Dr. Castro a regular a makikokoordinar iti Opisina ni Mayor Josh Edward S. Cobangbang iti LGU-Cabugao iti pannakaited iti umdas a kasapulan iti Animal Care Program ti Munisipio kasta metten iti Opisina ti Provincial Veterinary iti Kapitolio Probinsial a mangmangted met iti bakuna iti anti-rabies.
Insupusop ti Beterinario ti Munisipio a makilalaok pay kadagiti maisayangkat nga aktibidades ti dadduma a Departamento a kas iti Tax Mapping Campaign iti barbarangay iti Municipal Treasurer’s Office ken ti Municipal Assessor’s Office a naisayangkat iti Marso 7 agingga iti Marso 30, 2017 tapno makigiddan ken maitarapnosna metten a maserbisyuan dagiti kliente iti pakaseknan ti pannakabakuna; pannakaagas ken pannakataming dagiti dinguenda/tarakenda.
Dagitoy nga aksion ken inisiatiba ket paset iti estratehia iti Municipal Livestock Coordinator tapno epektibo a maipatungpal dagiti programa a kalikaguman a tun-oyen ti Gobierno Munisipal nga idauluan ni Mayor Josh Edward S. Cobangbang iti benneg ti livestock sector iti Munisipalidad. # (Web In-Action)
No comments:
Post a Comment