Cabugao, Ilocos Sur – Naaramid ti Barangay Fire Olympic kas mainayon nga aktibidad ti Bureau of Fire Protection (BFP)-Cabugao iti pannakaselebrar ti Fire Prevention Month 2017 a nagpartisiparan iti 15 a barangay ti ili a Cabugao, Ilocos Sur ket naaramid ti pakontes idiay Cabugao Athletic Oval, Brgy. Bonifacio, Cabugao, Ilocos Sur idi Marso 24, 2017.
Uppat a kategoria ti napagsasalipan: 1. Firefighting and Rescue 2. Hose Throwing 3. Bucket Relay ken 4. Tug of War.
Buklen dagiti agkokontes ket dagiti kameng ti Barangay Tanod/BPATS iti 15 a barangay a dagitoy ti Barangay Rizal; Namruangan; Sisim; Cacadiran; Carusipan; Daclapan; Baclig; Turod; Pila; Sabang; Quezon; Bonifacio; Pug-os; ken Sagayaden nga agpapaay a multiplier force iti pannakaipromot ti Fire Prevention kadagiti barangay.
Imbatad ni OIC Fire Marshal Elmer C. Acapuyan nga adda nakaalokar a puntos iti tunggal mapagsasalipan ket iti kaaduan ti maala a puntos ket daytoy ti agbalin a Champion.
Dagiti mangabak ket maikkan iti Cash Prizes: P3,000.00 para iti Champion, P2,500.00 para iti 2nd Prize ken P2,000.00 para iti 3rd Prize. Dagiti Non-winner ket makaawat iti consolation Prize a P1, 500.00 iti kada Team. Dagiti Premio ket inted ti LGU Cabugao babaen iti liderato ni Mayor Josh Edward S. Cobangbang.
Dagiti nangabak:
1.Barangay Sagayaden – Champion
2.Barangay Baclig – 2nd Place
3.Brgy. Carusipan – 3rd Place. # (Web In-Action)
No comments:
Post a Comment