Friday, February 8, 2013

2-DAYS A NABALLIGI TI SOIL MAPPING ITI BRGYS.

Cabugao, Ilocos Sur – Maar-aramid ti Gathering of Soil Samples babaen ti nagtitipon a puersa ti Soil Mapping Fertility of Cabugao Team  nga idauluan ni Ms. Eugene A. Briones iti Bureau of Soils and Water Management (BSWM)-Manila.

Immuna a napanan ti grupo iti Brgy. Baclig idi Pebrero 6-7 a nakaisuruan ti pannakausar ti Geographical Positioning System (GPS), a maysa a sopistikado a   ramit a mangiwanwan ti direksion ken Topograpia (plastar)  ti daga sakbay a mangalada ti Soil Samples nga idirihe ni Mr. Bonifacio "Jun"  Jogno, Jr.  GPS Applicator, Soil Mapping Fertility of Cabugao a katinnulong ni Mrs. Briones. Timmarabay met ti DA-LGU Staff ken Opisiales ti Farmer’s Association iti nasao nga aktibidad kasta met ti Brgy. Captain ken Kagawad, Committee Chair on Agriculture ken Peacekeepers  (Brgy. Tanod/BPATS) iti agmalem a mobilisasion ti grupo.



Iti Pebrero 8, 2013, naaramid ti Gathering of Soil Samples iti Brgy. Rizal, Cabugao, Ilocos Sur. Timmarabay ni Kagawad Benigno Piros ken kameng ti FA’s iti Team ti Soil Mapping a nagrekurida iti kataltalonan iti abagatan ti  Sitio Cacantorisan ken Bessang, Brgy. Rizal.

Narumrumek  ti naisangpet a linabag ti soil sample ket mapamagaan iti 10 days sakbay a mapapino ken pinal daytoy a maamiris iti laboratorio ti BSWM.

Kadua ni Mrs. Eugene A. Briones iti Team da Mr. Jun Jogno, MA Zenaida S. Andrada, Dr. Melvin Castro, DVM, Mr. Robert S. Savella, Mrs. Ester P. Aguimbag,  Mrs. Marjorie Castillo, ken Ms.  Arcelie Serrano.


Maysa nga aldaw ti naituding a panagtrabahoda iti maysa a barangay tapno maileppasda ti 33 a barangays iti 45 nga aldaw a naituding a panagala ti soil samples. # (Web In-Action)



No comments:

Post a Comment