Cabugao, Ilocos Sur – Naangay ti Mass Wedding iti Munisipio babaen iti 21 a paris ti agassawa a nangawat ti Sakramento ti Kasar manipud iti panangannong ni Mayor Edgardo “Ediboy” S. Cobangbang, Jr. ti Kasar idi Pebrero 20, 2013.
Immuna a naaramid ti panagmartsa dagiti 21 a paris nga agassawa a nagturong iti pakaangayan ti Kasar. Naaramid ti Invocation babaen ti panangidaulo ni Mrs. Lucila Somera kasta met iti Philippine National Anthem, ken Cabugao Hymn iti panangidaulo met ni Municipal Treasurer Lourdes Azcueta.
Nangipaay ti Welcome Address ni Vice Mayor Danny Q. Gazmen. Imbinsana ti pateg daytoy a gannuat ti LGU nangrugi idi Tawen 2012 tapno matulongan a naan-anay a makapagsimpa ken maaddaan ti titulo dagiti agdendenna a di pay nagkasar.
Naaramid ti Wedding Ceremony Rites babaen ti panangannong ni Mayor Ediboy ken binayabay da Vice Mayor Danny Q. Gazmen, SB Member Vicky S. Serna, SB Member Josefina S. Vallejo, SB Member Benedicto M. Savellano, Barangay Captain Inocencio S. Sadac, MSWD Officer Mrs. Lydia S. Gazmen, HRM Officer Teresita S. Sison ken Social Worker Aida Cueto.
Kalpasan ti seremonia ti kasar, nangipaay ti Mensahe ni Mayor Ediboy kadagiti nagkasar ken naitabuno. Bininsana ti pateg ti naaramid a panaglantip ti puso iti 21 nga agassawa iti salinong ti linteg. Gapu itoy, mainayon manen dagitoy nga agkasimpungalan a responsable nga umili gapu iti pannakaurnos ti kasasaadda a mangibangon ti natibker a pamilia a pundasion ti nadur-as a kagimongan.
Naaramid ti reception iti sango ti Munisipio sa naiwaras dagiti love trees a maipaay nga imula dagiti nagkasar kas sagudayen ti Ordinansa ti Ili.
Nagpaay nga Emcee iti programa ni SB Secretary Maxfel S. Suboc. # (Web In-Action)
No comments:
Post a Comment