NAGIYAWID MET DAGITI CABUGAO SCOUTS TI PAMMADAYAW

Cabugao, Ilocos Sur – Nangyawid met ti Cabugao BSP Delegation iti tallo a napapateg a premio iti pannakipasetda iti 31st Annual Provincial Jamborette a naangay idiay Brgy. Labut, Santa, Ilocos Sur idi Disiembre 6-9, 2012.

Dagiti inabak ti Cabugao BSP  Delegation ket dagiti sumaganad: 

• Biggest Contingent
• Best Uniformed, Biggest Contingent
• 2nd Runner-up, Skills Competition

Ti Delegasion ket binukel dagiti Opisiales ti Scouts (Mangisursuro kadagiti pageskuelaan ti  Cabugao DepEd District) Kab Scouts ken Boy Scouts ken nagannak a simmurot iti nasao nga aktibidad ti BSP Ilocos Sur Council.

Iti panaki-amad ti Web In-Action iti Pebrero 7,  2013, imbatad ni Mr. Francis A. de la Cruz, BSP District Coordinator a napintas ti  nagapuanan ti BSP ditoy Cabugao iti nadakamat a Jamborette ta nakatalloda met ti nayawid a pammadayaw  ket impeksa ti Head Teacher ti Reppaac E/S ken Nagsantaan Primary School iti panagyamanda iti tulong ken suporta nga impaay  ti LGU-Cabugao  iti panangidaulo ni Mayor Edgardo “Ediboy” S. Cobangbang, Jr., Honorary Chairman, Municipal Scouting Committee  iti naballgi a panagatendar dagiti Scouts ti Cabugao iti nasao a Jamborette. # (Web In-Action)