Thursday, February 14, 2013

SOIL SAMPLES TI BRGYS. MARADODON KEN CATUCDAAN, NAALAAN

Cabugao, Ilocos Sur – Kalpasan ti Soil Gathering iti 4 a Barangays ti Poblasion, insaruno ti Soil Fertility Mapping of Cabugao Team nga idauluan ni Ms. Eugene A. Briones BSWM-Manila  a  nagalaan ti soil samples ket idiay Brgys. Maradodon idi Pebrero 12 ken iti Pebrero 13 idiay Brgy. 
Catucdaan. Dagiti Farmer’s Associations ti dua a nadakamat a barangay ket nakitinnarabay dagiti Opisialesda a kas kada Brgy. Captain Geogie R. Benavidez ken FA President Eustaquio C. Baclig ti Brgy. Maradodon ken Brgy. Captain Dominador Sergio Seguritan ken FA President Jesus Sambilin ti Brgy. Catucdaan. Tumartarabay met da SBM Benedicto  M. Savellano, Committee Chair on Agriculture kasta met  ni Municipal Agriculturist Zenaida S. Andrada iti nasao nga aktibidad.

Iti pannaki-amad ti Web In-Action iti SFMC  Team iti Pebrero 13, 2013, umawayda  ti inaldaw ta usarenda   ti GPS (Geographical Positioning System) Device kagiddan ti panagala ti soil samples. Kalpasanna, maala ti Farmer’s Information  dagiti mannalon a maseknan a naalaan babaen iti Team Leader ti  Soil Fertility Mapping of Cabugao (SMFC).


Dagiti nadakamat a barangays ket dagitoy ti umuna a kaadaywan a disso a pagalaan ti soil samples iti ruar ti Poblasion. # (Web Situational Report)

No comments:

Post a Comment