Friday, February 22, 2013

KOOPERATIBA TI ARC’s, PAPIGSAEN IDA TI MARO

Cabugao, Ilocos Sur – Miniting ti Municipal Agrarian Reform Office MARO-Cabugao nga idauluan ni Dr. Elizabeth Pablico, DPA, Caretaker MARO   kooperatiba iti Agrarian Reform Communities (ARC’s) iti Cabugao, Ilocos Sur kas iti Arnap Sunrise MPCI, New Maradodon Cooperative Association, Carusipan MPCI ken United Cabugao Farmers MPCI.

Naaramid ti Feedbacking, naamiris  dagiti nagkapsutan ken nagpigsaan ti kooperatiba iti Tawen 2012. Kanaig itoy, nangpormular dagiti Opisiales ti Cooperatives  iti Action Plan nga ipatungpal ti gungloda kas pangsulnitda kadagiti nagkamtudanda iti kallabes a tawen tapno mapapigsada ti asosasionda nangruna iti pakaseknan ti recording ken mapasayaatda ti Financial Statement-da.
Dagitoy nga addang ket paset ti programa ti DAR-MARO iti benneg ti Agrarian Reform Community Level of Development.


Nagatendar met ni Engr. Floro Madriaga, pannakabagi ti Provincial Agrarian Reform Office iti nasao a miting.  # (Web In-Action)

No comments:

Post a Comment