Wednesday, February 20, 2013

FOREST LAND USE PLAN, IDARIRAG TI CENRO

Cabugao, Ilocos Sur – Simmangbay iti Munisipio ni Forester Edito Riambon, mangibagi ken ni Forester Florencio P.  Soliven, Jr. ti Community Environment and Natural Resources Office (CENRO-Vigan Ciy) tapno makikoordinar maipapan iti pannakabukel ti plano iti pannakatagiben/pannakapreserbar ti kabambantayan ti Munisipalidad partikular iti Watershed Area.    

Iti pannaki-amad ti Web In-Action iti Pebrero 19, 2013, imbatad ni Forester Riambon nga ad-adda nga agintek   iti naan-anay a pannakaaywan ti nabatbati a kabakiran ngem iti pannakaprobitsar kadaytoy  iti  mabukel a  plano a mangtaming itoy a rekursos naturales ti ili.


Kadua ni MENRO-Designate Edgar S. Balangatan, AT ni Forester Riambon a nagisagana kadagiti kasapulan a datos ti ili  maipapan iti nasao a programa ti CENRO-Vigan. # (Web In-Action)

No comments:

Post a Comment