Iti aldaw ti Dayo ti Pebrero 16, 2013, nagbisita ni Mayor Edgardo “Ediboy” S. Cobangbang, Jr. iti baro a Livestock Office ken iti Dayo ket nakipagnaming kadagiti mangimatmaton itoy nga idauluan ni Municipal Meat Inspector Dante Naval tapno matingiting pay dagiti mainayon a pagsaysayaatan dagiti pasilidad ti Livestock.
Kanaig daytoy, maibasar iti rekord ti Livestock Office, nailanad ti P56,725.00 a nasapulan ti Munisipio (Agosto 3, 2012-Enero 3, 2013) iti pannakai-kilo ti liveweight hog iti pagkiluan. Imbatad ni Mr. Dante Naval iti singasingda a maingato koma iti agdama a P.25/Kilo a pagbayad ti maipa-kilo a baboy ngem saan nga inaprobaran ni Mayor Ediboy. Nagtalinaed latta met nga awan ti pagbayad dagiti nuang ken baka a maikilo a nagatang iti Cabugao Dayo.
Ti panagkakanaig iti proyekto a mangpasayaat ti serbisio iti Livestock Office, Slaughterhouse ken iti Cabugao Dayo ket maysa a prayoridad a programa ti LGU Cabugao nga idauluan ni Mayor Edgardo “Ediboy” S. Cobangbang, Jr. tapno maitandudo ti Livestock Sector a maysa a napateg a benneg ti Agrikultura a maparang-ay tapno agtultuloy a pakairanudan dagiti umili ken para iti sapasap. # (Web In-Action)
No comments:
Post a Comment