NABALLIGI TI NAUDI A 3-DAYS TI NUTRITION SEMINAR

Cabugao, Ilocos Sur – Naballigi ti napasamak  a panagadal dagiti BNS, BHW’s, Mother-Leader ti 4 P’s ken Kagawad, Committee Chair on Health  iti 33 a barangays ti ili a Cabugao  iti naaramid a  5-days (Pebrero 4-8)  iti Re-echo of the Trainors Training  of Barangay Implementers on Promotion of Good Nutrition babaen ti panagkakammayet ti  LGU-Cabugao nga idauluan ni Mayor Edgardo “Ediboy” S. Cobangbang, Jr., National Nutrition Council-DOH   ken ti  Ilocos Sur  Nutrition Council nga imbagian ni Mrs. Editha Castillo, Provincial Nutrition Officer   idi Pebrero 4-8, 2013 iti Municipal Conference Hall, Cabugao, Ilocos Sur.

Iti 3^rd, 4rth ken 5^th day, Pebrero 8, 2013, kangrunaan a nagrikusan ti nayadal kadagiti trainees ket  iti umisu panagpasuso ti maladaga, panangtaraon, panangasikaso no masakit ti ubing ken nayadal pay  kadakuada ti sinaguday ti EO 51 (The Milk Code) a mangituding ti usaren a gatas a pagsuplementar  dagiti agpasuso nga inna.  Kasta met ti kinasagana ti salun-at ti ina tapno maipaay ti mayannatup  a pannaripato iti maladaga nga agdepende  kenkuana ti pagbiagna/pannakaasikasona   kabayatan nga agtan-ay.

Malaksid iti Film Viewing, naaramid pay ti actual demonstration iti maadal babaen kadagiti Trainors.

Napagnanamingan ken naigunamgunam kadagiti nagsanay ti  suporta ti Komunidad ken no kasano a matignay/makigamulo  ti kaaduan a makikaysa kadagitoy a napapateg a gannuat para iti Infant and Young Child Feeding (IYCF) nangruna iti barangay.

Nagleppas ti panagsanay babaen iti pannakaisuro ti panagusar ti IYCF Counselling Cards ken pannakabukel ti Re-entry Plans. Inatendaran ni Mrs. Leonora G. Reintar, Social Welfare Assistant ti LGU-Cabugao ti panagturpos dagiti nagseminar a kinadua dagiti Nutrition Trainors nga indauluan ni Municipal Nutrition Coordinator, Mrs. Joenah G. Sevilleja.  # (Web In-Action)