NAALAAN TI SOIL SAMPLES TI DUA MANEN A BRGYS.

Cabugao, Ilocos Sur – Naalaanen ti Soil Samples ti dua a barangay babaen ti Soil Mapping Fertility Project of Cabugao nga idauluan ni Ms. Eugenia A. Briones, Team Leader. Dagitoy ti Brgy. Carusipan idi Pebrero 21, 2013 idinto ta iti Barangay Lipit idi Pebrero 22, 2013.

Nakitinnulong dagiti Opisiales ti Barangay iti nasao nga aktibidad nga indauluan da Brgy. Captain Oscar Pula ti Barangay Carusipan ken Brgy. Captain Bernardo Salom ti Barangay Lipit agraman dagiti Opisiales ti Farmer’s Associations  a masakupan dagitoy a barangay.

Ti Soil Fertility Mapping Project of Cabugao ket maysa a prayoridad a programa ti LGU Cabugao nga idauluan ni Mayor Edgardo “Ediboy” S. Cobangbang, Jr. babaen ti panangimaton   ti DA-LGU ken tartarabayen ni SB Member Benedicto M. Savellano, Committee Chair on Agriculture iti pannakaipatungpalna iti pannakikaysa dagiti pannakabagi ti Bureau of Soils and Water Management (BSWM)-Manila. # (Web In-Action)