PRE-MARRIAGE COUNSELLING, NAANGAY DITOY MUNISIPIO

Cabugao, Ilocos Sur – Naangay  ti Pre-Marriage Counselling  idi Pebrero 15, 2013  iti Munispio  kadagiti agassawa a mairaman iti Mass Wedding Program ni Mayor Edgardo S. Cobangbang, Jr. a maangay inton  Pebrero 20, 2013.

Iti pannaki-amad ti Web In-Action, imbatad ni MSWD Officer Mrs. Lydia S. Gazmen a kasapulan ti pannakaaramid daytoy nga aktibidad kadagiti agassawa sakbay a makaalada ti Marriage License.
Iti nasao a Pre-Marriage Counselling, nagatendar ken nagsarita met ni Mrs. Elvie Satumba, Midwife ti RHU-Cabugao. # (Web In-Action)