Monday, February 4, 2013

NAPADAYAWAN A BRGYS. TI SIGLAT, BINIGBIG TI PAMILIA-LGU

Cabugao, Ilocos Sur – Kalpasan ti Flag Ceremony  iti Pebrero 4, 2013, impeksa ni Mayor Edgardo “Ediboy” S. Cobangbang, Jr. ti ragsak ken panangkablaawna kadagiti barangay a nangabak iti Siglat Awards 2012  idi Pebrero 3, 2013 iti NSCC Plaza, Caoayan, Ilocos Sur.

Naulit ti pannakaited dagiti Plake ken Sertipiko ti pammadayaw kadagiti Barangay Siglat Winners  ken Opisialesda  iti imatang ti Pamilia-LGU nga idauluan ni Mayor Ediboy ken kadagiti kameng ti Sangguniang Bayan nga imatonan ni Vice Mayor Danny Q. Gazmen.



Imbatad ni Mayor Ediboy nga agserbi a kas pagsarmingan ti kinapudno dagiti lider a nakilaok iti pasalip ta ammoda ti ar-aramidenda kadagiti pagrebbenganda. Daytoy pay  ti mangpalag-an ti trabahoda a mangpasayaat pay ti kasasaad dagiti umili a masakupanda.  Innayon ti Alkalde Munisipal a padayawanna met dagiti nagpartisipar a barangay ket  babaen ti rewarding system ket maguyogoy  ti dadduma a barangay a makipaset kadagiti areas of concern ken kategoria iti Search for Siglat Awards para iti sumarsaruno a tawen. Pinagyamanan pay ti Ama ti Ili  dagiti Siglat Winners  iti akemda a nangted ti pammadayaw iti LGU-Cabugao iti “Kasiglatan Award”  a nagun-odna ita a tawen ken ti Premio ken Plake a naited.


No comments:

Post a Comment