Cabugao, Ilocos Sur – Iti pannaki-amad ti Web In-Action iti Pebrero 18, 2013, imbatad ni Mr. Edgar S. Balangatan, AT/Program Coordinator a mamulaanen ti Municipal Techno-Demo Farm ti LGU-Cabugao iti Sagayaden Norte, Cabugao, Ilocos Sur.
Insupusop ni Mr. Balangatan a mamulaan ti Demo-Farm iti Mais (Klasika F 1 ken Tender 58), Mungbean (Wonder Variety) ken natnateng.
Ti agtultuloy a pannakai-demonstrar ti panagmula ti cash crops kas iti nadakamat a naimula uray ti summer months ket manamnama nga agballigi ti resultana gapu iti naan-anay a pannakaasikaso dagiti naimula, segun pay ken ni Mr. Balangatan.
Dagitoy a gannuat ket agtultuloy a mangkomplementar iti naregget a programa ti LGU Cabugao nga idauluan ni Mayor Edgardo “Ediboy” S. Cobangbang, Jr. iti benneg ti Agrikultura partikular iti Cash Crop a mangnayon ti masapulan dagiti mannalon. # (Web In-Action)
No comments:
Post a Comment